Naneruutit ilaat uterteqquneqarput

Juullip qaammataa aallartilerpoq, taarsisalereermallu angerlarsimaffinni allanilumi naneruusersortarneq atorneqarlualereerluni. Naneruutilli tamarmik pitsaasuunngimmata, ilaallu allaat sannarlutaammata pisiniarfinnit piiarneqartariaqartut Danmarkimi naneruusiorfik Asp-Holmblad nalunaarpoq.

Naneruutit pineqartut kukkusumik iperalersorneqarsimagunarput, paaliorlutillu sakkortuallaamik ikumaneqartartut paasineqarmat maanna uterteqquneqarput.

Nuummi Brugsen-ip immikkoortortaani pisortaq Finn Kristiansen oqarpoq, naneruutit ajortutut Asp-Holmblademit nalilikkat 38-t Nuummi tunineqareersimasut, sinerissamilu illoqarfinni ataasiakkaani ikittualuinnaat tunineqareersimasut. Taamaattumik pisisimasut naneruutisiaminnik utertitsisinnaasut erseqqissaatigaa.

Naneruutit pineqartut tassaapput: Art-no 67381-imit 67389-imut normulerneqarsimasut kiisalu 67391-imik aamma 67423-mik normulerneqarsimasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat