Namminersulernissamut inuussutissarsiutit ingerlalluartariaqartut
Naalagaaffiup aningaaserivissua nunatta aningaaqarneranik ukioumoortumik nalilersuinermini taama allappoq.
Inuussutissarsiortut namminersortut ingerlarspornerulinngippata namminersulernermi inuuniarnermi atukkat ajornerulissapput, assersuutigalugulu, akileeqqaarani iliniarnissaq nakorsiarnissarluunniit ajornalersinnalluni imaluunniit isumaginninnikkut isumannaallisaaneq ajornerulersinnaalluni.
- Naalagaaffimmit tapiissutit Namminersorlutik Oqartussat isertitaasa affaasa missaaniimmata,
naalagaaffimmit tapiissutit isumalluutigiunnaarumanerat piviusunngussappat, allaniit isertitat amerlanerujussuanngortariaqarput naalagaaffiup aningaaserivissua allappoq.
AAMMA ATUARUK Naalagaaffiup aningaaserivissuata nunatta aningaasaqarnera ernumanartoqartikkaa
Tassanngaanniit ilaatigut pisortat aningasarsiornermi isumalluutaanerujussuat tikkuarpaat. Aningaasaateqarnerulerumagaannilu namminersorluni inuussutissarsiorneq ingerlalluarnerulertariaqarpoq.
Naliliisulli aamma takornialerinermi aatsitassarsiornermilu siuariarsimaneq tikkuarpaat.
Mittarfiliortiternissaq, takornarialerinermut nukittorsaataasussaq, naalagaaffiup aningaaserivissuata ilaatigut eqqaavaa.
AAMMA ATUARUK Tunisinermi siuariarneq oqimaaqatigiisitsivoq
Qeqertarsuatsiaani aligormik aappaluttumik piiaaneq aamma Kangerlussuaq anorthositsimik piiaavissaq, aappaagu aallaartissangatinneqartoq, aatsitassarsiornermi siuariaataasutut assersuutaapput.
- Aatsitassarsiornissamik pilersaarutit arlallit aamma piviusunngoriaannanngoqqajaapput. Tamakkua inuussutissarsiornerup assigiinngiiaarnerunissaanut ilapittuutaassapput pingaarutillit, naalagaaffiulli ataatsimoortumik tapiissutaannut taartaalernissamut naammannatik, naalagaaffiup aningaaserivissua allappoq.