Assi: KNR

Naleraq: Isumaqatigiinniarnerit suli ingerlapput

Aqagu qanorluunniit pisoqassagaluarpat Naalakkersuisunngortitsiniarnermut tunngasunik ulluni kingullerni ulapputtoqarpoq.

Naalakkersuisooqatigiinnissamummi isumaqatigiissut Siumut Atassut Demokraatillu atsioqatigiissutigereeraluaraat Kim Kielseni Partii Naleraq isumaqtigiissummut ilanngutsinniarlu ullormut arlaleriarluni saaffiginnittartoq, Naleqqamit oqaatigineqarpoq. 

Kim Kielsen ullormut arlaleriarluni Partii Naleqqap allaffianut saafiiginnittarpoq Partii Naleraq Naalakkeruisooqatigiinnissamut isumaqatigiissummut ilanngutsinniarlugu. Partii Naleqqaqmi siulittaasup tullia partiimilu pilersitseqataasoq Per Rosing-Petersen taama oqarpoq.

Kusanaatsumik pissusilersorneq

Partii Nalersaq isumaqatigiinniarusuppoq, Per Rosing Petersen KNR-imut oqarpoq, taannali isumaqarpoq Siumut "kusananngitsumik pissuseqarluni" Partii Naleraq isumaqatigiissummut ilanngutsinniarsarigaa Inatsisartuni amerlanerussuteqarluarnissaq anguniarlugu.  

Per rosing-Petersen annerusumik oqaaseqarumanngilaq.

Partiit annerit ilumuunnginneraasut

Naalakkersuisuulersussani partiit annerit marluk Partii Naleqqap oqariartuutai ilumoorsorinngilaat.
Demokraatit siulittaasuat Kim Kielseni Partii Naleqqamut isumaqatiginninniarnersoq ilisimasaqarfiginnginnerarpaa annerusumillu oqaaseqarumanani.

Siumullu siulittaasup tullia Jørgen Wæver Johansen KNRimut oqarpoq isumaqatigiinniartoqarneraaneq ilumuunngitsoq, isumaqatigiissummi sisamanngormat itsiorneqareermat.

Taanna isumaqarpoq Partii Naleqqap taamak qisuariarnera Naalakkersuisooqataalinnginnermik pakatsinermmik pissuteqartoq.

Naalakkersuisut ivertinneqassasut

Naalakkersuisuulersussat qanittumi ivertinneqassapput, sulili Inatsisartunut aggersaasoqanngilaq. Inatsisartoqarfimmit tusatsiakkat kingulliit malillugit aqagu pingasunut partiit ataatsimiissasut, tamannalu pereeriarpat naalakkersuisunngortussat ilisaritinneqassasut.

Inut Ataqatigiit siulittaasuata Sara Olsvigip KNRimut oqaatigaa Siumumit saaffigineqaqqissimanatik, naalakkersuisooqatigiilernissaq eeqarsaatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat