Politikki

Naalakkersuisut suliassaqarfii agguataarneqarput

Naalakkersuisut suliatik Inatsisartunut qinersisoqarnissaanik suaarutiginnereernermi nangissavaat. Namminersorlutik Oqartussat tusagassiuutinut ullumi taama nalunaaruteqarput.

Jens-Erik Kirkegaard, Nick Nielsen, Steen Lynge, Siverth K. Heilmann

Allattoq Mads Lynge

oktobarip 03-at 2014 17:26

Naalakkersuisunut ilaasortat sisamat tunuarniarlutik aalajangernikuupput, Naalakkersuisullu siulittaasorigallagaata Kim Kielsenip suliassaqarfiit agguaateqqippai, suliassaqarfiillu ima agguaateqqinneqarput:

Suliassaqarfiit Inuussutissarsiorneq, Aatsitassat aamma Suliffeqarneq, Aalisarnermut, PIniarnermut Nunalerinermullu Naalakkersuisumut Finn Karlsenimut nuunneqarput.

Aamma atuaruk Naalakkersuisut pingasut tunuartut

Suliassaqarfik Ineqarneq Naalakkersuisut siulittaasorigallagaannut aamma Nunanut allanut tunngasunut Naalakkersuisumut kiisalu Avatangiisinut Pinngortitamullu Naalakkersuisumut Kim Kielsenimut nuunneqarpoq.

Aamma atuaruk Heilmann aamma tunuarpoq

Suliassaqarfiit Peqqinnissaq, Ilinniartitaaneq, Ilageeqarneq, Kultureqarneq Naligiissitaanerlu, Ilaqutariinnermut Inatsisinillu atuutsitsinermut Naalakkersuisumut Martha Lund Olsenimut nuunneqarput.

Aamma atuaruk Steen Lynge qullilisoq

Suliassaqarfik Attaveqarneq Aningaasaqarnermut Nunamullu namminermut Naalakkersuisumut Vittus Qujaukitsumut nuunneqarpoq.suliassa

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.