VIDEO Steen Lynge qullilisoq
Qularnanngitsumik naalakkersuisunit tunuarniuteqartut pisumit attortisimaarput, tamannalu takuneqarsinnaallunilu tusaaneqarsinnaavoq.
- Naalakkersuisutut sulinera nuannareqaara, neriuutiginikuugaluarparalu qinigaaffik naallugu sulissallunga. Kisianni pisut tamatsinnut attueqisut pingaartitannut naleqartitannullu naapertuutinngimmat toqqissisimannginnermillu pilersitsimmat akisussaafimmik tigusillunga tunuarniarlunga aaliangerpunga, Steen Lynge qullililluni oqarpoq.
Steen Lyngep tunuarniarluni nalunaarnerata kingorna Siverth K. Heilmann aamma tunuarniarluni aaliangerpoq nalunaarlunilu.
Atassut sinnerlugu naalakkersuisuusut marluk tunuarmata Atassutip siulittaasuata Knud Kristiansenip Atassut naalakkersuisooqatigiinniit tunuartoq.
Massakkullu apeqqutaalerpoq Naalakkersuisut siulittaasorigallagaat Kim Kielsen qinerseqqinnissamik suaaruteqarssanersut, imaluunniit Inatsisartut akornanni Naalakkersuisooqatigiinnik nutaamik isumaqatigiissiortoqassanersoq.