Heilmann aamma tunuarpoq
Siverth K. Heilmann tusagassiortunik katersortitsisoqarnerani tupaallatsitsivoq. Naalakkersuisunik isornartorsiuiinnassanersoq nalornisigineqaqqaaraluarpoq. Naalakkersuisooqatigiinnilli tapersersuiunnaarnera paasinarsivoq naalakkersuisutullu tunuarpoq.
Kingunitsianngua partiia tusagassiorfinnut nalunaaruteqarpoq. Partiip aleqa Hammond naalakkersuisooqatigiillu tapersersorunnaarpaat Atassutillu qinersisoqarnissaa kissaatigaa.
- Innuttaasut Naalakkersuisunut tatiginninnerat utertittariaqarpoq. Innuttaasut toqqissisimanerat utertittariaqarpoq, tamannalu aatsaat qinersinikkut pisinnaavoq.
Tusagassiortunik katersortitsinerup naanerani Atassutip siulittaasortaava Knud Kristiansen sassarpoq ataatsimoortumilli oqariartuutigineqartoq taperserlugu oqaatigalugu.
