Naalakkersuisut pingasut tunuartut

Ullumi oktoberip aallaqqaataani Naalakkersuisuni ilaasortat pingasut Aleqa Hammondip aningaasanik atornerluisimanera akueriumanagu atorfimminniit tunuarput.

Naalakkersuisut tunuartut tassaapput Peqqissutsimut Attaveqarnermullu naalakkersuisoq, Steen Lynge (A), Inuussutissarsiornermut Aatsitassanullu naalakkersuisoq, Jens Erik Kirkegaard (S) kiisalu Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq.

Naalakkersuisut tunuartut tassaapput Peqqissutsimut Attaveqarnermullu naalakkersuisoq, Steen Lynge (A), Inuussutissarsiornermut Aatsitassanullu naalakkersuisoq, Jens Erik Kirkegaard (S) kiisamlu Ilinniartitaanermut, Ilageeqarnermut, Kultureqarnermut Naligiisitaanermullu naalakkersuisoq Nick Nielsen.

Tamat oqartussaanerat  naalakkersuisuniit pingaarnerusoq
 - Ajoraluartumilli ippassaq Inatsisartuni marluulluta aamma malugaarput holditsinni allamut sangusoortoqartoq iliuutsillu illersorneqarsinnaanngitsut illersorlutigit, Jens-Erik Kirkegaard aamma Nick Nielsen tusagassiutinut nalunaarummi allapput, nangillutillu:

- Marluulluta misigaarput Naalakkersuisuni siulittaasutta Inatsisartut Kukkunersiuinermut Ataatsimiitsitaliaata isumaliuutissiissutaa utaqqisariaqanngikkaa, kisianni iliuutsini pissusissamisoortutut kinguneqartittariaqaraa tunuarlunilu. Inatsisartut inatsisiliortuusut tamat oqartussaaneranni innarligassaannginerat pingaaruteqarpoq, misigivugullu tamanna ullumikkut sumiginnarneqartoq.
 
Naleqartitat pingaarnerusut
 Steen Lyngep ullaaq Naalakkersuisut siulittaasuat Atassutillu siulittaasuat tunuarniarluni nalunaarfigisimavai.
- Naalakkersuisunit tunuarniutiga namineq naleqartitakka tunngavigalugit aalajangiussimavara, Steen Lynge allappoq.