Assi: Jonas Fievé/KNR

Bertel Haarder: Naalagaaffeqatigiineq pillugu nutaamik isumaqatigiissusiortoqarli

Partiip Venstrep utoqqartaata Bertel Haarderip tunngaviusumik inatsisip oqaasertaasa ilai alarlugit, naalagaaffeqatigiinneq pillugu nutaamik nalunaarusiornissaq siunersuutigaa. Taamaaliorneq Kalaallit Nunaata, Savalimmiut Danmarkillu akornanni pitsaanerulersitsisinnaasoq taanna isumaqarpoq.

Partiip Venstrep utoqqartaata Bertel Haarderip tunngaviusumik inatsisip oqaasertaasa ilai alarlugit, naalagaaffeqatigiinneq pillugu nutaamik nalunaarusiornissaq siunnersuutigaa. Taamaaliorneq Kalaallit Nunaata, Savalimmiut Danmarkillu akornanni pitsaanerulersitsisinnaasoq taanna isumaqarpoq.

Naalagaaffeqatigiit akornanni silaannaap pitsaannginnera Venstrep Kalaallit Nunaat pillugu ataatsimiititaliami ilaasortaatitaata Bertel Haarderip nuannarinngilaa.

Ingammik Kalaallit Nunaata Danmarkillu akornanni pissutsit eqqarsaatigai. Siumut isummiuteriikkat, paatsoornerit paasisimasakinnerlu naalliuutigai. Ilaatigut peqatigiinneq tunngaviusumik inatsimmi 1953-imeersumi maanna attuttumi allakkatigut nassuiarneqarmat, Kalaallit Nunaat taamani  danskit amerilermassuk - taannalu ullutsinnut naleqquttumik oqaasertaqanngitsoq, politikeri uparuaavoq.

- Tunngaviusumik inatsisip aalajangersagai anuneqarsimasutut,  pilliutaasutullu eqqarsartaasermik pilersitseqataasimapput; inuit ilaat Danmarkimut Savalimminullu attavitoqarsuit nammappasiullugit. Nutaamillu peqatigiilertariaqarpugut.

AAMMA ATUARUK Øget bloktilskud skal styrke Rigsfælleskabet

Taamaattumik piffissanngorpoq nutaamik ataatsimut nalunaajaateqalernissaq. Tassani erseqqissaatigineqassaaq Kalaallit Nunaat, Savalimmiut Danmarkilu nammiuneq piumassutsimik suleqatigiittuusut, nunallu suleqatigiit pingasut naligiittuusut.

- Isumaqarpunga danskit tungaanniit inussiarnerluta oqarsinnaasariaqartugut tunngaviusumik inatsimmi oqaasertat nunannernerpat tassaassasut - tassa siunissami taama oqarumaarpugut  - nunat inuiaallu pingasut naligiittut, aalajangersagaqarsimasut aaqqittassanik ataatsimut aaqqiissuteqartarniartut. Taamatut aalajangiineq tarnikkut pingaaruteqassaqaaq, Bertel Haarder oqarpoq.

AAMMA ATUARUK Namminersulivinnissap oqallisigineqarnerata pingaarutillit ukkanneqanngitsoortippai

Nalunaajaat tunngaviusumik inatsisip ukiut 30-it 40-lluunniit qaangiuppata iluarsaateqqinnerani  ilanngunneqarsinnaasoq, Venstremi politikeri oqarpoq. Tamatuma tungaanut politikerit innuttaasullu allat najunaajaatip qaniq allassimanerumaarneranik isummersortariaqarput.

Ministeriunerulli Lars Løkke Rasmussenip arlalippassuariarluni erseqqissaatigisarpaa, Kalaallit Nunaat Savalimmiulluunniit namminersulerpat tamanna tunngaviusumik inatsimmik tassalu aamma naalagaaffeqatigiinnermik atorunnaarsitsinerussasoq.

AAMMA ATUARUK  Naalagaaffiit namminersortut suleqatigiit pilersinneqarsinnaapput

Naallu tunngaviusumik inatsimmi allassimasunik qimatserusukkaluarluni, Bertel Haarder isumaqanngilaq siulittaasuni akerlilersorlugu.

- Ministeriuneq taama oqartussaagami, taama oqartarpoq. Ministeriunerminmi qanga oqartoqarnikuua, tunngaviusumik inatsit malinneqassanngitsoq? Soorunami malittussaavarput. Uani eqqartugara tassaavoq suleqatigiinnitsinnik oqaasertaliissasugut, isumaqarpungalu taanna tarnimut pingaaruteqartoq.

Bertel Haarderip taama nalunaaruteqarnera tunngaveqarpoq, Nauja Lyngep atuakkiaani nutaami siulequt politikerip allassimammagu.

Isummersuutit