Aningaasaqarnermut siunnersuisoqatigiit Mittarfiit kittaarlugit sanaartorneqarlik
![](/sites/default/files/styles/image_934x467/public/article_images/img_7154.jpg?itok=6MggDC4H)
Nuummi Ilulissani mittarfiit tallilerneqarnissaat, Qaqortumilu nunap immikkoortuani mittarfiliortoqarnissaa, Kalaallit Nunaata attaveqaatitigut atortulersugaanerani suliniutini maannamut annerpaavoq. Tamanna nunatta karsianut artukkiisinnaavoq. Inuiaqatigiinni sinneqartoorutit suliniutinut aningaasalersuissapput, inuussutissarsiutillu pingaarnerpaanni aalisarnermi ajornartorsiortoqalissappat, suliniutilluunniit ilimagisamit akisunerulissappata, nunatta karsianut artukkiissapput.
- Ilimagisamit pitsaannginnerusumik ineriartortoqassappat Namminersorlutik Oqartussat aningaasaqarniarnerannut eqquissaaq, assersuutigalugu akileraartarnermi qaffaasoqaratarsinnaalluni, assigiinngitsutigulluunniit sipaaruteqartoqartariaqarsinnaalluni. Aningaasaqarnermut Siunnersuisoqatigiit siusinnerusukkut oqaatsitik taamaasillutik uteqqipaat.
AAMMA ATUARUK Mittarfissat naafferarlugit sanasigit
Danmarkip 700 millionit koruuninik aningaasaliiniarnera, aningaasallu attartukkat erniakinnerusut eqqarsaatigalugit suliniutit nalorninaateqannginnerulerput.
- Aningaasaliiniarnermi aningaasartuutit ikinnerungaatsialissapput, Namminersorlutillu Oqartussat suliniutini ernumassutigisinnaasai annikinnerungaatsialissapput, pisortallu aningaasaqarniarnerat patajaannerulersissallugit, Siunnersuisoqatigiit oqarput.
Siulittaasorlu suliniut pillugu ima oqarpoq.
- Taamatuttaaq piginneqataalissapata tamanna nunatta karsianit naalagaaffimmut nuussisoqaqattaarani kinguneqarnissaa aarlerinaateqarsinnaavoq, Torben M. Andersen taama oqarpoq
AAMMA ATUARUK Danskit aningaasaleeqataassappata aningaasarsiornermut iluaqutaassasoq
AAMMA ATUARUK Kalaallit Airports 1 milliard koruuninik sipaaruteqarsinnaasoq
Mittarfiilli kittaarlugit sanaartorneqarnissaat Aningaasaqarnermut Siunnersuisoqatigiit aammaarlutik oqaatigaat:
- Naak suliniutit sulisunik nunanit allaneersuunerusunik sulisoqarnissaat siunniunneqaraluartoq, nunatsinneersunik sulisussaaleqinermik kinguneqarsinnaavoq. Tamanna pissutaalluni suliffeqarfinni allani akissarsianut sunniuteqarnerlussinnaavoq.
AAMMA ATUARUK Det mener partierne om dansk medfinansiering af lufthavnene
Mittarfiit kittaarlugit sanaartorneqarpata, siuliani sanaartornermi misilittakkat sanaartornissap tulliani aallaavigineqarsinnaapput.
- Mittarfiit pingasut ataatsikkut sananeqassappata, sumiiffinni taakkunani kukkussutit assinganik kukkusoqaqqissinnaanissaa aarlerinartoqarsinnaavoq, Torben M. Andersen oqarpoq.
AAMMA ATUARUK Mittarfiit kittaarlugit sanaartorneqartariaqarput
AAMMA ATUARUK Nalinginnaasumik isumaqatigiinneq ajortut mittarfiit tulleriaarlugit sanaartorniaraat