Pilersaarut siulleq malillugu Mette Frederiksenip Donald Trumpillu Issittoq Trumpip Københavnimut tikeraarnerani oqallisigisussaagaluarpaat, tamannali Trumpip nunatsinnik pisiniarluni neqerooruteqarnerata kingunitsianngua taamaatiinnarneqarpoq.

Ministeriuneq Trumpip ataatsimeeqatiginera pillugu: Kalaallit Nunaat immikkut ittumik oqaluuserinngilarput

Amerikamiut præsidentiat Londonimi Natop ataatsimiinnerani Kalaallit Nunaannik pisinissamut nutaamik aamma neqeroorutissaqanngilaq.

Danskit ministeriunerat, Mette Frederiksen (S) amerikamiumik suleqatiminik Donald Trumpimik ataatsimeeqatiginnippoq. Tamanna Londonimi pivoq.

Naalagaaffimmi marlunni siuttut Kalaallit Nunaat Issittorlu oqaluuserisussaagaluarpaat – tamanna ministeriunerup piareersaatigigaluarpaa – taamaakkaluartorli Mette Frederiksenip tamanna pisimannginnerarpaa.

Ministeriuneq Trumpip oqaloqatigereernerata kingorna tusagassiortunik katersortitsinermi oqarpoq.

- Kalaallit Nunaat immikkut ittumik oqallisiginngilarput, ministeriuneq oqarpoq.

 

 

Avannaata nillertup oqallisiginissaanut pilersaarutit Savalimmiunit nunatsinniillu ilaasoqartinnagu pinissaat, Folketingimut ilaasortat, Inuit Ataqatigiinnit Aaja Chemnitz Larsenip Javnaðarflokkurinimiillu Sjúrdur Skaalep ullumi siusinnerusukkut ajoralugu oqaaseqarfigaat. Taakku danskit naalakkersuisut issittumi nakkutiginninnerunissamut 1,5 milliardit koruuninik aningaasaliinerannut atatillugu oqallinnermi peqataasariaqaraluarlutik oqaatigaat.

Mette Frederiksenilli isornartorsiuineq itigartitsissutigaa.

- Ataatsimiinneq ullumi Kalaallit Nunaannut Issittumullu tunnganngilaq. Issittumut apeqqummut tunngavoq, Mette Frederiksen oqartoq dr.dk allappoq. Frederiksenillu pilersaarusiornermut suleqatigiinnerup oqallisigineqavinnissaanut Atlantikup avannarpasissuaniittut ilaatinneqarumaartut erseqqissaatigaa.

Tamannali pillugu Aaja Chemnitz Larsen nipangiinnanngilaq:

- Kalaallit Nunaat oqaluuserisassaniippoq, taammaammat nunatta ataatsimiinnermi ilaasariaqaraluartoq isumaqarpunga. Issittup oqallisigineqarnera nalunngilarput, nunarput aamma ilaavoq. Naammaginanngilaq allanngortittariaqarpoq, tullissaanut pitsaanerusumik iliortoqartariaqarpoq, Aaja Chemnitz Larsen KNR-imut oqarpoq.

AAMMA ATUARUK Nunatta Savalimmiullu ministeriuneq kamaakkaat

Mette Frederiksenip oqarnera naapertorlugu Trumpip 1,5 milliardit koruunit ataatsimiinnermi eqqaanngilai, Ritzau-imiilli allaaserisaq naapertorlugu amerikamiut aalajangernermut ilorrisimaarinnipput.

Pilersaarut siulleq malillugu Mette Frederiksenip Donald Trumpillu Issittoq Trumpip Københavnimut tikeraarnerani oqallisigisussaagaluarpaat, tamannali Trumpip nunatsinnik pisiniarluni neqerooruteqarnerata kingunitsianngua taamaatiinnarneqarpoq.

Ataatsimiinnissamut tassunga nunarput Savalimmiullu qaaqqusaagaluarput.

AAMMA ATUARUK Ministeriunerup Trump ataatsimeeqatigileruniuk Kalaallit Nunaat ilaatigut oqaluuseriniarpaa

Mette Frederiksenip oqarnera naapertorlugu Trumpip ullumi oqaloqatiginera ”ajunngilluinnarpoq”.

- Danmarkip USA-llu akornanni aaqqiagiinngittoqarneranik misigisaqanngilanga, aamma Kalaallit Nunaannut atatillugu, ministeriuneq oqarpoq.

Amerikamiut præsidentiat nunatta pisiarinissaanut aamma neqerooruteqaqqinngitsoq Mette Frederiksenip oqaatigaa. Kalaallit Nunaannut tunngatillugu apeqqut oqallisaaqisoq ataatsimiinnermi ilaanngitsoq Ritzau allappoq.

- Ajunngilluartumik misigisimavara. Ataatsimut sammiveqarpugut, toqqaannartorujussuarmillu immitsinnut oqaloqatigiilluta. Nunat tamalaat akornanni suleqatigiinnermi ajunngitsoq isumaqarpunga.

- Ataatsimoorfigisarpassuaqarpugut, sillimaniarnermut politikkimut atatillugu suleqatigiippugut pingaaruteqartut, Mette Frederiksen oqarpoq.

Illersornissaqarfiup Isertortumik Misissuisartuisa (FE) nunarput Issittorlu pissaanilissuit sumiiffimmut soqutiginninnerat pissutigalugu Naalagaaffeqatigiinni sillimaniarnikkut aarlerinarnerpaasut sapaatip akunnerani kingullermi erseqqissaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat