Meeqqanut sumiginnakkanut iliuusissatut pilersaarusiornissaq akuersissutigineqartoq
Meeqqat inuusuttullu sumiginnagaasut ikilisinniarlugit nuna tamakkerlugu iliuusissatut pilersaarusiornissaq Inuit Ataqatigiinnit siunnersuutigineqarpoq. Naalakkersuisullu peqquneqarput inooqataanikkut atugarliornerit meeqqallu sumiginnagaasarnerisa pitsaaliornissaannut pilersaarummik kingusinnerpaamik Inatsisartut 2019-imi ukiakkut ataatsimiinneranni saqqummiusseqqullugit.
AAMMA ATUARUK Meeqqat naalakkersuinikkut eqqumaffigineqannginnerat kukkuneruvoq
Inatsisartullu Ilaqutariinnermut Peqqissutsimullu Ataatsimiititaliaat isumaliutissiissutimini ima ersarissaavoq:
”Naalakkersuisut ataanni susassaqarfiit tamarmik peqataaffigisaannik suliniarnermi tamakkiisumik isigisumik ataqatigiissaarinermi iliuusissatut pilersaarutip tunngavilersorneqarnissaata pingaaruteqarluinnarnera ataatsimiititaliamit ersarissumik erseqqissaassutigineqassaaq.”
AAMMA ATUARUK Meeqqanut sumiginnakkanut iliuusissaq piariilerunartoq
Aamma nuna tamakkerlugu iliuusissatut pilersaarummi Killiliisami, MANU-mi siusissukkullu suliniuteqarnerit ilanngunneqarnissaat Naalakkersuisunit erseqqissaatigineqarpoq.
Naalagaaffiit Peqatigiit Meeqqat pillugit isumaqatigiissutaata nunatsinni eqquutsinneqannginneranik meeqqat pisinnaatitaaffiinik sullissiviup MIO-p erseqqissaateqarnerata kingorna nuna tamakkerlugu iliuusissatut pilersaarusiornissaq akuersissutigineqarpoq.
AAMMA ATUARUK Meeqqat pillugit Isumaqatigiissut nunatsinni suli eqquutsinneqanngilaq
