Martha Abelsen: Meeqqanut sumiginnakkanut iliuusissaq piariilerunartoq
Naalagaaffiit Peqatigiit meeqqat pillugit isumaqatigiissutaannut Kalaallit Nunaat pisussaaffeqaraluarluni tamanna eqquutsinneqanngilaq.
MIO-p nalunaarusiaani takuneqarsinnaavoq, isumaqatigiissutigineqartuni 20-it eqquutsinneqanngillat. Tamannalu akueriuminaappoq isumaginninnermut Naalakkersuisoq Martha Abelsen oqarpoq:
- Soorunalimi akueriuminaaqaaq, artikelit taama amerlatigisut naammassinngikkigut, tamatsinnut eqqaasitsisariaqarpoq meqqat pillugit sulinitsinni ulluinnarni ilanngunneqarnerisariaqarigut meeqanuku suut pisinnaatigaaffigigaat, Martha Abelsen oqarpoq.
AAMMA ATUARUK Meeqqat pillugit Isumaqatigiissut nunatsinni suli eqquutsinneqanngilaq
Meeeqqat Inuusuttullu ajornartorsiutaat aaqqiivigineqassappata nuna tamakkerlugu iliuusissamik pisariqartitsisoqartoq meeqqat oqaaseqartartuat Aviaja Egede Lynge oqarpoq.
- Nuna tamakkerlugu iliuusissamik pilersaarusiulernissaq, tassalu una isumaqatigiissut malissagutsigu, meeqqat inuusuttut ilaqutariillu pitsaanerusumik atugaqalissappata, tamakkiisumik pilersaarusiortoqarnissaanik pisariaqartitsilluinnarpugut maannakkut,
Aviaaja Egede Lynge marlunngornermi ullup qeqqaanerani radioaviisimi taama oqarpoq.
Nuna tamakkerlugu iliuusissatut pilersaarummik meeqqat inuusuttullu
sumiginnarneqartut ikilisarnissaat pillugu illuatungiliuttut partiiat Inuiat Ataqatigiit siunnersuutaat inatsisartuni pingasunngornermi aappassaaneerneqassaaq, pilersaarutillu suliarineqarnera aallartissasoq isumaginninnermut Naalakkersuisoq oqarpoq.
- Pilersaarusiornissaq maanakkut aallartissaaq, taamaattumik naalakersuisuninngaaniit inatsisartunut saqqummiussisaagut , 2019-mi ukiakkut Inatsisartuni saqqummiunneqarnissaa siunniunneqarpoq, Martha Abelsen oqarpoq.
AAMMA ATUARUK Spot et omsorgssvigtet barn
Nuna tamakkerlugu iliuusissamik pilersaarummik MIO innersuussuteqarpoq,
- Naalakkersuinermiit Inatsisartuniit Kommunenut innutaasunut meeqanut atasumik, taavalu ukiuni amerlasuuni ingerlasussamik innersuussuteqarpugut aamma pisussaaffeqarpugut meerartagut pitsaasumik inuuneqarnissaanik tunngavilernissaannut, Aviaja Egede Lynge oqarpoq.
