Maniitsumit immakkut angalasut mianersoqquneqarput
Allattoq Najaaraq Egede
Maniitsup kangiani Isortumi Isortullu paavani angalasut matumuuna mianersoqquneqarput, Isortoq iluliaminernik kassunillu aniatitsilersimammat, ukiualunni aniatitsisimanani, Maniitsumi politiinit John Thorsen nalunaarpoq.
Tasersuaq ”Iluliagdlup Tasia” immarujussuarnermigut sakkortuumik kuummat, Isortullu qinnguata angallaviginiarnera mianersornartunngorlugu sakkortuumik sarfarmat, maliarsoqarmallu angalasut mianersorluartariaqarput.
Maniitsup eqqaani ”Iluliagdlup Tasia”-ta immarujussuarnerata naqitsinerata qaarluni superatarsinnaanera aarlerinarsimmat, politiit taama mianersoqqusipput.