Politiit ullormut nalunaarutaat: Maniitsumi Sisimiunilu Pisiffimmut tillinniartoqartoq

Unnuaq tillinniartoqarpoq.

Maniitsumi Sisimiunilu pinerluuteqartut ilisimaneqanngitsut illoqarfinni Pisiffimmut tillinniarput. Pisut tamarmik unnuap ingerlanerani pipput.

Kalaallit Nunaanni Politiini pigaartut pisortaat, Heini Jacobsen nassuiaavoq.

Maniitsumi tillinniartut iPhonesit amerlassusaat ilisimaneqanngitsut tillippaat. Taamaammat pigaartut pisortaata innuttaasut tillitanik tuniniaasoqarnissaanik nakkutiginneqquai.

Tamanna politiit pinerluuteqartunik ujaasinerannut iluaqutaasinnaaneranik aammali tillitanik pisineq pinerluuteqaqataassutaasinnaanera pissutigalugu.

Sisimiuni tillinniartoqarnerani suut tillinneqarnersut suli ilisimaneqanngillat.

Angerlarsimaffimmi eqqissiviilliorneq

Sisimiuniiginnassaagullu.

Politiit unnuaq pingasut missaanni angerlarsimaffimmi nakuusernertalimmik eqqissiviilliortitsisoqarneranut aggersarneqarput.

- Nammineq illugisami pivoq, tassanilu pinerluuteqartoq suli ujaaraarput, pigaartut pisortaat oqarpoq.

Angerlarsimaffimmut iseriarluni nakuusertoqarsimava?

- Naamik inuit imminut ilisarisimasuupput.