Ilinniarneq

Liv aamma Karla BankNordikip legatianik tunineqartut

BankNordikip legatia 25.000 koruuninik aningaasartaqartoq ingerlaqqiffiusumik ilinniagartunut ilinniarnerup nalaani aningaasaqarnikkut oqilisaatissatut ukiumut marloriarlugu tunniunneqartarpoq.
Privatkundedirektør René Sørensenip legati Karla Kreutzmannimut Nuummi immikkoortortaqarfimmi tunniuppaa Assi © : BankNordik
Kim Plet-Hansenip legati Liv Inuk Oldenburg Lyngemut Københavimi tunniuppaa Assi © : BankNordik
Allattoq Aaqqissuisoqarfik / Redaktionen
apriilip 23-at 2019 15:52

Tamatumuuna legatinnattuupput Liv Inuk Oldenburg Lynge aamma Karla Kreutzmann.

Liv Aalborgip Universitetiani Development & International Relationsimi kandidatinngorniarluni ilinniartuuvoq, nunallu Issittumiittut immikkut sammisaralugit. Legati Danmarkip Ottawami aallartitaqarfiani praktikkernermini atorniarpaa.

Karla peqqissaasunngorniarluni ilinniarpoq, inaarutaasumillu bachelorinngorniummik allaaserinninnerminut atatillugu Danmarkimut misissuiartorluni praktikkeriartussaalluni. Karlap legatinnalluni aningaasannattaani atorlugit meeqqani pingasut Danmarkimukaqataanissaannut bilitsisiniunniarpai.

AAMMA ATUARUK BankNordik ilinniartunut legatinik agguaasoq

- Legati atorlugu Kalaallit Nunaanni inuiaqatigiinnut tapeeqataallutalu pitsaaliueqataarusuppugut – immikkullu inuusuttut qaffasinnerusumik ilinniagaqarnissaannut kajumissaarusullugit. Tamatuma saniatigut BankNordik-legati aamma ilinniartunut ulluinnarni oqilisaatissatut takorloorparput, René Sørensen, BankNordikimi privatkundedirektøriusoq oqarpoq.

Ukiaru legatinik agguaasseqqittoqassaaq, qinnuteqarfissarlu kingulleq tassaavoq septembarip 24-at. Siornatigut qinnuteqarsimasut itigarsimasut qinnuteqaqqinnissaminnut tikilluaqqusaapput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk