Ilinniarneq

BankNordik ilinniartunut legatinik agguaasoq

Elias Rotvig Rowedder Aviannguaq Kreutzmannilu BankNordik-Legatimik tunineqarput. BankNordikip legatia kalaallinut ilinniartunut marlunnut ukiumut marloriarluni tunniunneqartarpoq, ilinniarnerup nalaani ulluinnarni aningaasaqarnikkut oqilisaatissatut tunniunneqartarluni.
Assi © : BankNordik
Allattoq Mads Lynge
decembarip 12-at 2018 12:02

- Inuusuttut ilinniagaqarnissaat inuiaqatigiinnut pingaaruteqarpoq, tamatumuunalu tapersersueqataasinnaanerput nuannaarutigaarput. Kinguaariit tullinnguuttut pikkoriffiisa ilinniagaasalu qaffassarneqarnissaat pisariaqarpoq, René Sørensen, BankNordikimeersoq, oqarpoq.

Elias Rowedder, University of Manchesterimi ilinniartuuvoq, aningaasallu nunani allani ilinniarnermut aningaasartuutiminut atorniarpai.

AAMMA ATUARUK BankNordik legatinik agguaasseqqaartoq

Aviannguaq Kreutzmann, Københavnimi ilinniartuuvoq, Nuummilu Dronning Ingridiup Napparsimmavissuani qaammatini pingasuni praktikkernissani aalajangersimallugu.

Maanna legatinnattut Nunatta avataani ilinniartuupput, ilisimalersimasatillu nutaat nunatsinnut angerlaakkusullugit, inuiaqatigiinnullu iluaqutaassallutik, BankNordik oqarpoq.

BankNordikip legatianik qinnuteqarfissap kingulleq tassaavoq aappaagu marsip ulluisa aqqaneq-aappaat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk