BankNordik legatinik agguaasseqqaartoq
Nunatsinni ilinniartut, nunattalu avataani ilinniartut legatimik qinnuteqarsinnaassapput.
Legatimillu tunineqartunut marlunnut tamanna naapertuuppoq, tamarmik immikkut 25.000 koruuninik tunineqarlutik.
Assammik arsartartuusimasoq nunanut allanut unammisartuusimasoq Aqqaluk Sørensen, geofysikkimik ilinniarnerminut atatillugu immikkut allaaserisaqarnissaminut legatinnappoq, ilaatigut nunamik sajuppillatsitsilluni nunap ataanik misissuinissamut atatillugu legatinnalluni.
AAMMA ATUARUK Bank Nordik ilinniartunut legatimik nutaamik pilersitsivoq
Legatinnattup aappaa tassaavoq Tukumminnguaq Jakobsen, 25.000 koruuninik aningaasartalimmik aamma legatinnattoq.
Tukumminnguaq Italiami illoqarfissuarmi Milanomi ilinniartuuvoq, ilinniagaa tassaalluni Fashion Design & Accessories, tassa atisanik ilusilersuinerup silarsuaani ilinniartuulluni.
BankNordikip ilinniartunut legatia 25.000 koruuninik aningaasartaqartoq ukiumut marloriarluni tunniunneqartarpoq, qinnuteqarfissallu tulliata killerititaa tassaavoq februaarip ulluisa 15-iat.
