Qulaarpaa Killilersugaanngitsumik aalisarneq suli isorineqartoq
Taamani aalisarnermut naalakkersusisoq Finn Karlsen akerliliigaluarluni Inatsisartuni amerlanerussuteqartunut tunniutiinnartariaqarpoq.
Siunnersuuteqartorlu Karl-Kristian Kruse maanna aalisarnermut naalakkersuisuuvoq.
Tunisisinnaanermut eqquisinnaavoq
Siunnersuulli iluarineqarnerulinngilaq. Kingunissaasa qanoq ikkumaarnerat nalunartut, Isornartorsiuisut oqarput, aalisartullu pisassaminnik tunisisinnaanerannut eqquineraapput nunarsuullu sinnerani isigineqarnitsinnut ajoqutaanerarlugu.
- Isumaqataanngilagut aqutsiveqarfimmimi aalajangersimasumi pisassiissutit aallaavigalugit aalisartoqartoq nakkutigineqanngitsumillu aamma TAC-eqarfimmi aalisartoqarluni. Petrus Biilmann KNAPK-imi pisortaq oqarpoq.
Aalisakkap tuniniarnissaa ajornarsisinnaasoq taassuma taakkartorpaa:
Bent Sørensen
- Aalisakkat nunarsuatsinnut tuniniarneqarnerinut atatillugu killeqanngitsumik aalisarsinnaanerput kiisalu TAC-mik aalisarnerup aqutsiveqarfimmi isiginiarneqalernissaa KNAPK-mi annilaangassutigaarput.
Aamma atuaruk Aalisarpallaarneq sivikitsuinnarmik iluanaarutaassaaq
Sulisitsisullu Peqatigiiffiata GE-p tamanna tapersersorpaa.
- Isumaqarpugut aalisarnerni tamani killeqanngitsunik pisassiisoqassanngitsoq. Taamaammat tamanna nuannarinngilarput. Bent Sørensen GE-imi siunnersorti oqarpoq.
SQAPK-mit pisassiinerit isumaqatigineqarput
Killeqanngitsumilli pisassiinerit isumaqatigineqarput, Erik Langellu SQAPK-mi pisortap erseqissarpaa kinguaariit tullii qaleraleqassasut.
- Qanorluunniit immaqa ilioraluarutta qalerallit qanittukkut nungukkallarunnanngilagut, Erik Lange taama oqarpoq.
Aqutsiveqarfiulli titarnilersorneqarnerisa allanngortinneqarnerat annilaannganartutut isigaa, tamannami pisimanngitsuuppat aalisartut aningaasarsiornerlussagaluarput, oqarpoq.
Pisasiissutit naleerupput
KNAPK-p pisortaata taakkartorpaa Upernavimmi angallatit pisoqalisimasut amutsivimmukartinnissaanut eqqugaasimasut. Siornatigummi ukiumut pisassiissutitik tunisinnaasarsimavaat suliarineqarnerilu akilersinnaasarsimallugit.
Aalisartoq pisoqalisimasumik angallatilik maanna ajornartorsiorpoq.
- Angallatip amutsivimmiissinnaaneranut akissaqarumalluni ukiumut pisassiissutimi ilaat aalisartunut allanut tuniniarniarsimagaluarpai taakkuli pisassiissutinut killeqanngitsunut aalisariaannarsinnaapput. Tassa ajornartorsiutip qitia, Petrus Biilmann nassuiaavoq.
Aamma atuaruk Aalisarnerup saniatigut periarfissat allat amigaatigineqarput
Aamma atuaruk Inassutigineqartut aalisarnerup iluani malinneqanngillat
Tassa imaappoq aalisartoq pisassiissutigineqartumut aqutsiveqarfimmut nunguutsinguni taava killeqanngitsumut aalisariaannarsinnaavoq. Pisassiissutillu naleqassusini aannaassavaa.
Pisassiissutit affai aqutsiveqarfimmi pisassiissutigineqartumi pisarineqarput affaalu pisassiissutimi killeqanngitsumi pisassiissutigineqarlutik, Petrus Biilmann nassuiaavoq.
- Allaanerussuteqarnavianngilaq, aqutsiveqarfinni pisassiissutigineqartut taava sooq atorluaannanngilavut? Petrus Biilmann aperaaq.
