Assi: Jonas Løvschall-Wedel

Qulaarpaa Aalisarnerup saniatigut periarfissat allat amigaatigineqarput

Suliffissatigut periarfissanik nutaanik pilersitsisoqanngilaq, taamaammat Aalisarneq pillugu ataatsimiitsitaliarsuup aalisartut ikilisinneqarnissaannik inassutigisaa malissallugu ajornakusoortinneqarpoq.

Aalisartut ikilisinnerisigut aalisariutillu anginerusut atorneqalernerisigut aalisarnerup iluani pisariillisaanissamik Aalisarneq pillugu Ataatsimiititaliarsuaq 2009-mi inassuteqaraluartoq pissutsit killup-tungaanut ingerlaannarsimapput.

Aalisarnerli pillugu ataatsimiititaliarsuaq inassuteqaatiminik saqqummiussaqarmat siunissamut takorluukkat ullumikkumut naleqqiullugu allaapput, Aalisarneq pillugu ataatsimiititaliarsuarmi ilaasortaq oqarpoq.

- Aatsitassarsiornermik suliniutit taamani aallartilluartussatut isumalluarfigineqarput. Aalisartuujunnaartullu aatsitassarsiornerup iluani sulilernissaat tassuunalu aningaasarsiulernissaat takorloorneqarpoq, John Jakobsen, Grønlandsbankimi pisortaanerup tullersortaa taama oqarpoq.

Naatsorsoruminaatsoq

Aalisarnerup iluani pisariillisaanissamik inassuteqartoqarnera suli piviusorsiortuusoq erseqqissarpaa, maannalu umiatsiaararsorlutik aalisartorpassuit suliffissaqartitsilluarnerat aamma miserratiginngilaa.

Suliffinnilli amerlanerusunik pilersitsinissamik siunertaqarneq inuiaqatigiinnut akilersinnaassanersoq nalorninartortaqarpoq naatsorsuinernillu amerlanerusunik pisariaqartitsiffiussalluni.

- Qularnanngitsumilli inuit ilaannut suliffissaaleqisussaagaluartunut imaluunniit pisortat aningaasalersugaannik sulitinneqartussaagaluartunut suliffissaqartitsisimassapput, John Jakobsen oqarpoq.

Aamma atuaruk  Inassutigineqartut aalisarnerup iluani malinneqanngillat​

Aamma atuaruk  Krusep aalisartut amerlanerunissaat kissaatigaa

Emanuel Rosing

Emanuel Rosingip, aalisarnermut naalakkersuisoqarfimmi immikkoortortaqarfimmi pisortap, aalisarnerup suliffissaqartitsiniarnermut atorneqarnerunera ilisaraa, naak inuussutissarsiutip pisariillisaavigineqarnissaa pilersaaruteqarfigineqarsimagaluartoq.

Aalisartullu amerlisimanerat arlalinnik pissuteqarnerarpaa.  

- Qaleralinnut akigitinneqartut qaffakkiartorneri pissutaagunarpoq, aamma sumiiffinni assigiinngitsuni tunisinissamut periarfissaqarnera, Emanuel Rosing oqarpoq.

Aalisarneq aningaasarsiorfissatut pilerinartunngorsimavoq. 

Suliffissat nutaat amigaatigineqartut

Aalisartut aalisartuujunnaarunik sulerinissaat eqqarsaatigissallugu pingaaruteqartoq siornatigut misilittagarineqartut aamma takutippaat. 

Aamma atuaruk  Aalisarpallaarneq sivikitsuinnarmik iluanaarutaassaaq

Aatsitassarsiornerup isumalluarfigineqartup ilimagisamit annikitsuinnaanera pissutigalugu suliffiit nutaat ikitsuinnaat pilersinneqarsimapput sumiiffinnilu arlalinni periarfissat aamma ikilisimallutik.

- Sumiiffinnimi arlalinni aalisarnerup saniatigut allanik suliffissaqartitsisoqanngilaq, Rosing oqarpoq. 

Aalisartut qanoq amerlatiginerinik kisitsisit. Najoqqutarisaq Aalisarnermut Naalakkersuisoqarfik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat