Missingersuut: Kiap ministeriuninngornissaanut Atlantikup avannaamiut aalajangiisooratarsinnaasut
![](/sites/default/files/styles/image_934x467/public/article_images/49199983_2278431619037930_1270268583888289792_n.jpg?itok=OTUVOjUn)
Nunatsinni Savalimmiunilu qinikkat Folketingimut qinersinermi aalajangiisooratarsinnaapput. Missingersuut nunatsinni nalunaaqutaq arfinermut saqqummiunneqartoq naapertorlugu taama isikkoqarallarpoq. Danmarkimi taasinerit affaasa missaat kisinneqareerput.
AAMMA ATUARUK Illoqarfinni annerni sisamani qinersisinnaasut 30 procentii qinersipput
Partiit saamerliit Socialdemokraatit siulittaasuannit Mette Frederiksenimit siuttuuffigineqartut 90-inik ilaasortaatitaqalissangatinneqarput. Taakkulu Folketingimi amerlanerussuteqarnissamut naammaqqarput. Ilaasortaatitallu ikiliartulissappata Atlantikup avannaani qinikkat kimik tapersersuiniarnersut aalajangiisuusinnaavoq.
AAMMA ATUARUK Qineqqusaarneq torersuuvoq
Partiit talerperliit Lars Løkke Rasmussenimit siuttuuffigineqartut 75-inik ilaasortaatitaqalissangatinneqarput, taamaalillutillu naalakkersuisunngortitsisinnaassanatik.