Killiffik: Illoqarfinni annerni sisamani qinersisinnaasut 30 procentii qinersipput

Ualilluinnarnerani qinersisartut amerlanerusut qinersiartorput.   Illoqarfinni annerni sisamani qinersisinnaasut nalunaaqutaq sisamanngortoq 30 procentii qinersipput.
Allattoq Jaaku Lyberth
juunip 05-at 2019 17:25

Illoqarfiit pingaarnersaanni Nuummi qinersisinaasut 31,35 procentii ualimut sisamanut Folketingemut qinersipput, tassalu qinersisartut 4139-it qinersiartorsimallutik.  

Nuummi silagippoq, Nuummi qinersivimmi aqutsisoq Frederik Lundblad oqaluttuarpoq, tassuma neriuutigaa, soraarfip nalaani sisamat kingorna qinersiartortut amerlanerujumaartut.  

Nuummi qinersisinnaasut 13.352-iupput. 

Folketingimut nunatsinni qinersisut amerlassusaat procentinngorlugit:

I 2007: 64 procent.

I 2011: 57 procent.

I 2015: 50 procent.

Ilulissani qinersisartut 926-it  qinersivimmut Kulturikkut illorsuarmiittumi Sermermiuni ualimut sisamanut qinersisut, qinersivimmi aqutsisoq Bea Mølgaard Lennert oqarpoq.

Tassalu qinersisinnaasut 3.377-iusut 27,4 procentii sisamanut qinersiartorlutik.
Qaqortumi qinersisinnaasut 2.275-iupput taakkua 35,6 procentii ualimut sisamanut qinersiartorput, qinersivimmi aqutsisoq Arne Møller KNR-imut oqaluttuarpoq. Tassalu qinersisartut 810-it qinersiartorput.  

Nunatsinni illoqarfiit anginersaata tulliani Sisimiuni Folketingemut qinersineq Qeqqata kommuniata allaffiani ingerlanneqartoq, qinersivimmi aqutsisoq Inger Eriksen oqaluttuarpoq. 

Sisimiuni innutaasut 1149-it ualimut sisamanut qinersiartorput, tassalu qinersisinnaasut 4.028-usut 28,52 procentii qiniarsiartorput. 

Qinersiviit unngu arfineq pingasunut matussapput, tassalu silagissumi qinersiartornissamut piffissaqarluarpoq. 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk