Katuullit oqaluffiata usuup puuinik atuinissamik inerteqquteqarnerata sakkukillisinnissaa pavep eqqarsaatigilerpaa.
Pavemut siunnersuisoqatigiit nalunaarusiaq 200-nik quppernilik Pave Benedikt-imut tunniuteqqammerpaat, tassani innersuussutigineqarpoq, “immikkut ittumik pisoqartillugu” katuullit usuup puui atorsinnaassagaat.
Innersuussummi pineqarpoq usuup puui “immikkut ittuni” akuerineqarsinnaassasut, soorlu nuliariit nappaammik katsorsarneqarsinnaanngitsumik tunillaannissaat pineqarpat – soorlu aids-imik nappaateqartut eqqarsaatigalugit.
Katuullit oqaluffiata kinguaassiuutitigut nappaatit siaruaatinnginnissaannut periaaseq ataaseq manna tikillugu akuerisimagaluarpaat: tassalu atoqatigiinnaveersaarnikkut.