Kattuffiit sungiusaammik suliffissanik ujartuipput
SIK, NUSUKA Nunatsinnilu sulisitsisut peqatigiiffiat, GE, tusagassiutinut nalunaarumminni ataatsimoorussaminni taama allapput. Politikerillu piumaffigalugit suliffinni misiliiffissanik qulakkeerinnissasut.
Aamma atuaruk Suliffissanik sungiusarfissanik amigaateqarnerup qaangernissaanut siunnersuutit
Nunatsinni suliffeqarfiit oqartussanit pigineqarpata imaluunniit namminersortunit pigineqarpata, inuusuttut ilinniarnerisa nalaanni taakku misiliinerminni inissaqartinneqarnissaat, kattuffinnit piumasarineqarpoq. Inuusuttullu meeqqat atuarfianniit naammassereerneranni ilinniakkanik aallartitsisarnissaat, Namminersorlutik Oqartussat kommunillu suleqatigiillutik sulissutigissagaat piumasarineqarluni.
Aamma atuaruk Oqartussat immikkut iliuuseqarnialerput
Suliffeqarfiillu Nunatsinni sanaartornissamik suliariumannittussarsiornermi pissarsisut ilinniartunik pinngitsooratik tigusisarnissaat tamarluinnarmik piumaffigineqassasut piumasarineqarluni.
Aamma atuaruk Ilinniarfik sungiusarfissaqannginneq pillugu ernumavoq
Tamassuma saniatigut suliffeqarfinni Namminersorlutik Oqartussanit pigineqartuni sullissinissamut isumaqatigiissusiornermi ilinniartut ilinniarfissaat sungiusarfissaallu ilanngullugit isumaqatigiinniutigineqartarnissaat piumasarineqarpoq.
Aamma atuaruk Ilinniartut sungiusarfissaannik amigaateqartoqarpoq
- Inuusuttut kaammattussavagut, nangaanatik ilinniarnerminnut atatillugu sungiusarfissaqarnissaminnik piumasaqartarnissaat taamatullu taakku piumaffigalutigit ilinniakkaminnik naammassinninnissaminnik imminnut piumaffigisarnissaat, SIK, NUSUKA GE-lu taama tusagassiuutintu nalunaarumminni allapput.
