Kalaallit Nunaat arfattassat pillugit isumaqatiginninniaqqilerpoq
Isumaqatiginninniarnissaq junip naanerani julillu aallartisimanerani pissaaq. Nunatsinniillu siunnersuutigineqarpoq ukiuni arfinilinni tunumi kitaanilu ukiumut arfattassat 221-t pisarineqarsinnaanissaat.
Kissaatigineqarporlu kalaallit nunaata kitaani tikaagulliit 178-it, tikaagulliusaat 19-it,qipoqqaat qulit, arfiviit marluk, tunumilu tikaagulliit aqqaneq marluk pisassiissutaanissaat.
Taamatut siunnersuuteqarnermi biologit misissuisimanerat siunnersuuteqarnerallu tunngavigineqarpoq.
IWC-mit annertuumik piumasaqaatigineqarpoq nungusaataanngitsumik arfanniarnermik piniartoqarsinnaanissaa. Piumasaqaatigineqartullumi malinniarneqartussaapput.
- Ataatsimiinnissami nunatsinnit paasissutissat assigiinngitsut saqqummiutissavagut. Ilaatigut Hvidbogiminngaanniit saqqummiutissavarput arfernik angisuunik piniarnermut aqutsinermullu tunngasoq qupperneq 94-simiittoq.
Tassani ilaatigut eqqartorneqarpoq,nunatsinni arfanniarnerup oqaluttuarisaanera, nakkutiginninneq, piniariaatsit kiisalu mattannik arferullu neqaanik nunatsinni pisariaqartsinneq, Ane Hansen aalisarnermut piniarnermullu naalakkersuisoq oqaluttuarpoq.
Arfanniarneq pillugu atuagaq "Hvidbog" pillugu uani atuagaqaqqissinnaavutit:
www.iwcoffice.org/_documents/commission/IWC64docs/iwc64docs.htm