Politikki Nunanit allanit

VIDEO Kalaaleq malinnaasoq: Islandimiut qinerseqqikkusupput

Islandimi ministeriunerup Sigmundur David Gunnlaugson Panamami aningaasanik toqqortaateqarsimanera paasineqarmat Islandimi innuttaasut naalakkersuisuminnut kamaqaat. Marlunngormat nalunaarutigineqarpoq ministeriuneq tunuartoq, unnuulli ingerlanerani ministeriunerup tamanna ilumuunnginnerarpaa.

Allattoq Walter Turnowsky

apriilip 06-at 2016 14:21

Nutserisoq Tikaajaat Kristensen

Innuttaasunullu tamanna naammaginanngilluinnartoq, Nunat Avannarliit Killiit Siunnersuisoqatigiiffiani allaffeqarfiup pisortaq, Inga Dora Markussen oqarpoq.

- Qinisoqarnissaq piumasarineqarpoq, statministerip kisimi tunuarsimanera innuttaasunit naammagineqanngilaq, KNR-imut nassuiaavoq.

Reykjavikimi ataasinngormat akerliussutsimik takutitsinersuaq, innuttaasut 20.000-it naalakkersuisunut akerliullutik aqqusinerni ingerlaaqatigiinnerat, Inga Dora Markussenip malinnaaffigaa.

Inga Dora Markussen Islandimiit Nunatsinniillu kingoqqisuuvoq.

Aamma atuaruk Islandip ministeriunera: Tunuanngilanga

Aamma atuaruk Islandimi ministeriuneq tunuarpoq

Aamma atuaruk Islandimi ministeriunermut akerliussutsimik takutitsisut

Aamma atuaruk Islandimi ministeriuneq tunuarnianngilaq

Aamma atuaruk Islandimi ministeriunerup akileraarutikinneruffiusumik atuisimanera qulaajaaffigineqartoq