Politikki Nunanit allanit

Islandimi ministeriunermut akerliussutsimik takutitsisut

Inuit tuusintilikkuutaat Islandimi illoqarfiit pingaarnersaanni Reykjavikimi ippassaq ataasinngornermi akerliussutsimik takutitsipput, ministeriunermut Sigmundur David Gunnlaugssonimut iluarinninnginnertik takutinniarlugu.
Assi © : Didier Jansen/Flickr Creative Commons
Allattoq Inge S. Rasmussen
apriilip 05-at 2016 07:31
Nutserisoq Jaaku Lyberth

Sigmundur David Gunnlaugssonip Panama pappiaqqanik taasamik peqquserluttuliorsimanermi inissisimasimanera Islandimiunit kamaatigineqarpoq.

Ministeriunerup tunuarnissaa partiinit illuatungiliuttunit piumasarineqartoq ministeriunerup ataasinngornermi itigartitssutigaa, takussutissat tamanut saqqummiunneqartut ersersimmassuk ministeriuneq taassumalu ilaqutai akileraarutikinneruteqarsimasut.

Reykjavikimi akerliussutsimik takutitsisut Islandimi inatsisartut ataatsimiittarfiannut Altingemut manninnik bananinillu milloorsimapput, qarasaasiakkullu attaveqaqatigiittarfinni allaaserineqartut naapertorlugit akerliussutsimik takutitsisut, 22.000-inik amerlassuseqarput, kisitsisilli taakkua politiinit uppernarsarneqanngillat.

Islandimi ministeriunerup Sigmundur David Gunnlaugssonip Naalakkersuisut siulittaasuat Kim Kielsen pilersaarutit naapertorlugit qaammammi uani tikeraartussaavaa. Islandimi ministeriuneq Naalakkersuisut ullorsiutaat naapertorlugu Nunatsinnut apriilip ulluisa 18-iannit 22-ata tungaanut tikeraassaaq.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq