Islandip ministeriunera: Tunuanngilanga
Islandip ministeriunera, Sigmundur David Gunnlaugsson tunuanngilaq, siulittaasutulli partiimini ingerlaannassalluni, allaffeqarfiata tamanna, Islandimi aviisit annersaat Morgunbladit naapertorlugu, nalunaarutigaa.
- Ministeriuneq tunuanngilaq, siulittaasutullu Framsóknarflokkurinimi (Fremskridtspartiet, aaqq.) ingerlaannassalluni, tusagassiutinut nalunaarummi tuluttut allaqqasumi allaffeqarfia marlunngornermi allappoq.
Aamma atuaruk Islandimi ministeriuneq tunuarpoq
Aamma atuaruk Islandimi ministeriunermut akerliussutsimik takutitsisut
- Framsóknarflokkurinimi siulittaasup tulliata ministeriunerugallartutut inissinnissaa, Islandip ministeriunerata Framsóknarflokkurinip inatsisartuni ilaasortaatitaanut ullumi (marlunngormat, aaqq.) siunnersuutigaa, qanorli sivisutigisumik tassani issiassanersoq nalunaarutigineqanngilaq.
Aamma atuaruk Islandimi ministeriuneq tunuarnianngilaq
Ministeriunerup tunuarnissaa marlunngormat nalunaarutigineqaraluarpoq. Ministeriunerup nuliatalu akileraarutikinneruniarlutik anigaasaatitik toqqortarsimagaat pasineqarnerata kingorna, tamannali ministeriunerup eqqunngitsuunerarpaa.
/ritzau/