Boris Johnson kiunermik uppernarsaatini puigorsimammagu qinersinissamik itigartitaasoq
Tuluit Nunaanni ministeriunerusimasoq, Boris Johnson, kinaassutsimik uppernarsaammik assitalimmik peqanngimmat qinersisinnaaneranik itigartinneqarpoq.
Tuluit Nunaanni tusagassiorfiit arlaqartut nutaarsiassaqartitsiviillu allat, Reuters aamma PA, taama allapput.
Qinersisoqartillugu uppernarsaammik assitalimmik peqalernissaq, Boris Johnsonip ministeriunermi nalaani nammineerluni atuutilersippaa.
Peqquserluttuliorluni qinersisoqartarnera unitsinniarlugu taamaaliorpoq.
- Qinerserngaartut kinaassutsiminnik uppernarsaammik takussutissaqarnissaannik piumaffigineqarnissaat pissusissamisoortuuvoq, kinaassutsimik uppernarsaatit assitallit pillugit 2022-mi oqallittoqarmat Johnson oqarpoq.
Boris Johnson Tuluit Nunaata kujasissuani Oxfordshiremi qinersivimmi qinersiniartillugu qinersinissaanut itigartinneqarpoq.
Ministeriusimasumut oqaaseqartartup uppernarsaarpaa, Boris Johnsonip kinaassutsiminik uppernarsaatini assitalik puigorsimagaa, kingusinnerusukkullu taasisimasoq taanna oqarpoq.