Boris Johnson siulittaasunngorniarunnaartoq: Periarfissarissaaraluarpunga

Tuluit Nunaanni konservatiivini siulittaasunngoqqinnissamik tamatumalu kingunerisaanik ministeriuninngoqqinnissamik parteeqatimik akornanni naammattunik tapersersorteqarsimagaluarluni, Boris Johnson oqarpoq.
- Inatsisartuni partiimik tamakkiisumik tunuliaqutaqanngikkuit sunniutilimmik aqutsisinaanngilatit, Boris Johnson oqarpoq. Assi © : Henry Nicholls/Reuters/Ritzau Scanpix
Allattoq Ritzau
oktobarip 24-at 2022 08:46
Nutserisoq Jaaku Lyberth

Tuluit Nunaanni ministeriunerusimasoq, Boris Johnson, konservatiivit partiianni siulittaasutut qinigassanngortinniarani nalunaarpoq.

Tuluit Nunaanni ministeriuninngoqqinissi ataavartumik isumaliutigineqareersorlu, Boris Johnson taama nalunaarpoq.

Tuluit Nunaanni konservatiini siulittaasunngoqqinnissamik tamatumalu kingunerisaanik ministeriunninngoqqqinnissamik kaammattuisorpassuit tupaallaatigisimagini, Boris Johnson nalunaaruteqarnermini oqarpoq.

- Ullut kingullit eqqarsaatigilluareerlugu tamassuma pissusissamisoortuunnginnera isummiuppara.

- Inatsisartuni partiimik tamakkiisumik tunuliaqutaqanngikkuit sunniutilimmik aqutsisinaanngilatit, Boris Johnson oqarpoq.

AAMMA ATUARUK Boris Johnson uppititseqataasualu siulittaasussatut piukkunneqartunut ilaasut

Liz Truss ulluni 45-ni ministeriunioreerlunilu konservatiivini siulittaasooreerluni sisammangormat tunuarluni nalunaaruteqareersorlu, Tuluit Nunaani konservatiivit partiianni siulittaasunngorniuttoqalerpoq.

Siulittaasunngorniunnermi sassarluni, siornatigut aningaasaqarnermut ministeriusimasoq Rishi Sunak sapaatiummat nalunaarpoq. Taanna siulittaasussatut piukkunneqarnerpaavoq. Penny Mordaunt siuliuttaasunngorniuttunut aamma ilannguppoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk