Boris Johnson uppititseqataasualu siulittaasussatut piukkunneqartunut ilaasut

Inatsisartuni ilaasortani 30-t Boris Johnson ministeriuninngoqqinnissaanut tapersersoraat, tuluit nutaasiassaqartitsiviisa ilaat allappoq.
Konservatiivit ministeriunermik qinersivimmi matumani pingajussaanik toqqaanatik inatsisartunut qinersinissamik nalunaaruteqarnissaat, Tuluit Nunaanni illuatungiliuttut piumasarigaluarpaat. Assi © : Daniel Leal/AFP/Ritzau Scanpix
Allattoq Ritzau
oktobarip 21-at 2022 14:13
Nutserisoq Mads Lynge

Liz Trussip Tuluit Nunaanni ministeriunertut, partiillu konservatiivit siulittaasuattut tunuarneranit akunnerit 24-unngitsulluunniit, inuit marluk Trussimut kingoraartissatut piukkunneqartuni siulliupput.

Boris Johnson, sapaatit-akunnerit arfineq-marluk matuma siornatigut ministeriunerusoq, taassumallu ministeriunerunerata nalaani aningaasaqarnermut ministeriusoq Rishi Sunak piukkunneqarput.

Kia Liz Truss kingoraassaneraa, konservatiivit ilaasortaatitaasa 337-t akornanni siullermik aalajangerneqassaaq.

Siulittaasussatut sassarniartut inatsisartuni ilaasortanit 100-nit tapersersorneqarnertik ataasinngorpat takutissinnaasariaqarpaat.

AAMMA ATUARUK Tuluit nutaamik ataasinngorpat ministeriunertaarnissaat ilimagineqartoq

Tuluit inatsisartuini konservatiivit sinnerlugit ilaasortat kimik tapersersuinersut, tuluit nutaarsiassaqartitsiviisa erngerlutik taava sisamanngornermi paasinialereerpaat. Atillu immikkut maluginiagassat marluk uani ersaripput: Boris Johnson Rishi Sunakilu.

Aviisip The Telegraphip inatsisartuni ilaasortat tallimannngornermi isumasiorsimavai, taakkunannga 30-t Boris Johnson tapersersorpaat, 33-llu Rishi Sunak tapersersorlugu.

Konservatiivit ministeriunermik qinersivimmi matumani pingajussaanik toqqaanatik inatsisartunut qinersinissamik nalunaaruteqarnissaat, Tuluit Nunaanni illuatungiliuttut piumasarigaluarpaat.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk