Tuluit nutaamik ataasinngorpat ministeriunertaarnissaat ilimagineqartoq
Liz Trussip Tuluit Nunaanni ministeriunertut tunuarnerata kingorna, konservativeni parteeqataanik ministeriuninngortitsinissamut nutaarsiassaq ataasinngorpat tusarliunneqassasoq oqaatigineqarpoq.
Konservativet partiivisa immikkut ittumik ataatsimiititaliaat, 1922-udvalgimik taaguutilik, taama nalunaaruteqarpoq.
AAMMA ATUARUK Liz Truss Tuluit Nunaanni ministeriunertut tunuarniuteqartoq
Sassartoq ataasiinnaappat 100-niillu innersuunneqarsimappat ataasinngorpat erngertumik nalunaarutigineqassaaq, taamaalillunilu inuk taanna partiimi aamma siulittaasunnguutigaluni Tuluit Nunaanni ataasinngornermiit ministeriuninngussasoq, nutaarsiassaqartitsiviit BBC aamma Reuters nalunaarput.
Aningaasaqarnermut ministeriusimasoq, Rishi Sunak, eqqoriaasartut assut taannarigaat ministeriuninngortussatullu ilimagigaat, nutaarsiassaqartitsiviit allaaserilereerpaat.
Sunak qaammat kingulleq ministeriuninngorniunnermi normu 2-tut taaneqarpoq Liz Trussimullu ajorsarluni.