USA: Putinip peqqarniissusia Ukrainemi saassussinermi erserpoq
![](/sites/default/files/styles/image_934x467/public/2024-09/20240731-204424-1-1920x1358web_2.jpg?itok=jsEa7VY-)
Ukrainemi illoqarfik Poltava russinit missilinik marlunngornermi saassunneqarnerani inuit 51-it toqutaasut pllugit nunat killiineersut assuarinnipput.
USA-mi naalagaaffiit illersornikkut siunnersortaasa oqaaseqartartua John Kirbyp saassussineq pillugu, silaannakkut illersuinerup sukaterneqarnissaanik naqissusiinertut oqaatigaa.
Tusagassiortunik katersuutsitsinermi, sakkutooqarfik aamma napparsimmaviup taama peqqarniitsigisumik saassunneqarnera pillugu, Putinip Ukrainep innuttaanut qanoq misigittaatsigineranik eqqaasitsissutaasoq, Kirby oqarpoq.
USA-mi oqartussat sakkussianik Ukrainemut tapersersuutaasussanik sapaatit akunnerini aggersuni nassiussisoqarumaartoq, Kirby aamma oqarpoq.
Vladimir Putinip peqqarniinnera pillugu marlunngormat tyskit nunanut allanut ministeriata oqaatigaa killeeruttoqartoq.
Ukrainep kangisissuani sorsuuffiup killeqarfiata ungasikkaluaraa, russinit ungasissumut misiilit igeriuttakkat sakkugalugit Poltaviamut saassussisoqartoq, russit præsidentiata Volodymyr Zelenskyjp nalunaarutigaa.
Poltavia sorsuunnerup aallartinnginnerani 300.000-nik inoqarpoq, illoqarfik Ukrainemi illoqarfiit pingaarnersaanniit Kyivimiit kangimut 300 kilometerit missaanni ungasitsigisumiippoq.