Partii Naleraq: Naalakkersuisut utoqqatsertoqarnissaanut siuttuusariaqarput

Misileraanermi aallartitaaasimasoq Helene Thiesen, politikerit ICC-milu siulittaasuusimasoq meeqqat 1950-kkunni  misileraatigineqartut pillugit utoqqatsertoqarnissaanik piumasaqarput.

Meeqqat angajoqqaaminnit arsaagaallutik 1950-ikkunni misileraanermi Danmarkiliartinneqartut maanna arfiniliinnanngorsimapput.

AAMMA ATUARUK Utoqqatserneq annernanngilaq

Partii Naleqqameersoq, Jens Napãtôk’ isumaqarpoq utoqqatsernissamut atatillugu naalakkersuisut peqataanerusariaqartut:

- Misileraanermi pineqartut maannakkut arfiniliinnanngorput ukioqqortusillutillu taamaattumik piaartumik utoqqatserfigineqarnissaat Partii Naleqqamit tapersersorparput, pisumilu Naalakkersuisut peqataanerunerusaqalerput tamannalu massakkut utoqqatserternikkut tamanna aaqqinneqartariaqarpoq, Partii Naleqqaneersoq, Jens Napãtôk.

AAMMA ATUARUK - En undskyldning vil betyde alt!

Naalagaaffiup utoqqarternissaa pillugu Naalakkersuisut utaqqinnginnissaat pisariaqartoq Jens Napãtôk’ isumaqarpoq:

- Pissusissamisuunngilaq - Naalakkersuisut tassani siuttuusariaqarput utoqqatsertoqartariaqarlunilu, aamma naalakkersuisut nunarput sinnerlugu qallunaanut utoqqatsernissaq anguttaqattaartariaqarpaat,
Partii Naleqqameersoq Jens Napãtôk’ oqarpoq. 

AAMMA ATUARUK Utoqqatsertariaqarneq Siumumit taperserneqartoq

Utoqqatsernissarlu pillugu Kim Kielsenip nunap siuttuatut inissisimanini takutittariaqaleraa erseqqissaatigineqarpoq.

- Nunap inuii taamatut pineqarsimanerat pillugu Naalakkersuisut siulittaasuata naalakkersuisut sinnerlugit piaartumik akisussaaffik tigullugu naalagaaffiup taamatut iliornersimanera pillugu utoqqatsertoqarnissaanik nunap siuttuatut inissisimanini takutittariaqaleraa, Partii Naleqqameersoq, Jens Napãtôk’ oqarpoq.

AAMMA ATUARUK Meeraanerminni misileraatigineqartut Danmarkip utoqqatserfigisariaqarpai