Meeqqat 1950-ikkunni Danmarkiliartinneqartut sinneri Assi: Louise Dyring Mbae/Red Barnet

Helene Thiesen: Naalagaaffiup utoqqatsernissaa pissusissamisoorluinnarpoq

Kalaallit meeqqat 1950-ikkunni misileraatigineqartut utoqqatserfigineqarnissaat Inuit Ataqatigiinneersup Siumumeersullu piumasaraat. Meeqqat angajoqqaaminnit arsaagaallutik 1950-ikkunni misileraanermi Danmarkiliartinneqartut 22-upput taakkunani ilaavoq Helene Thiesen 74-nik ukiulik - taanna isumaqarpoq naalagaaffiup utoqqatsernissaa piffissanngorluinnartoq.

- Misileraaneq uagutsinnut ilaquttatsinnullu naalagaaffiup piliarigaa ersarilluinnarpoq, ukiorpassuimmi artorsaateqarluta inuuvugut taamaattumik pissusissamisoorluinnarpoq naalagaaffiup utoqqatsernissaa,

Helene Thiesen arfineq marlunnik ukioqarluni Nuummiit Danmarkimukartitaasoq taama oqarpoq.

Suliniaqatigiiffiup Red Barnetip 1950-ikkunni suliniutigineqartoq peqataaffigaa, kalaallillu misileraanermi peqataasut inimi matoqqasumi 2015-imi pisortatigoortumik utoqqatserfigai. 

AAMMA ATUARUK Helene Thiesenip atuakkiaa ullumi saqqummersinneqarpoq

Misileraanermi meeqqat 22-t aallartinneqarput, maannalu arfiniliinnanngorsimallutik:

- Utoqqatserfigineqarnissarput piariaqarpoq, uannuinnaanngitsoq massakkummi arfiniliinnanngorpugut, taamaattumik taama ikitsigileraluarluta utoqqatserfigineqassagutta uagutsinnut isumalerujussuussaaq, aamma paasisinnaanngilarput sooq utoqqatsertoqarsinnaannginnersoq Helene oqaluttuarpoq.   

AAMMA ATUARUK ”Eksperimentet” oqallissutaalluarpoq

Nunatsinni taamani Landsrådiusut naalagaaffik peqatigalugu suliniummik tapersersuipput. Nunatsinnili oqartussat taama tapersiisimanerminnut pisortatigoortumik utoqqatsersimanngillat.

Helenap Nunatsinni Danmarkimilu politikerit qanoq kaammattorusunnerai aperigatsinni ima akivoq:

- Isumaqarluinnarpunga inuppalaartumik takutitsisariaqartut aamma paasisinnaanngilara sooq utoqqatsertoqarsinnaannginnersoq, taamaattumik  utoqqatsertoqartariaqarpoq, Helene Thiesen taama oqarpoq.  

AAMMA ATUARUK Eksperimentet DVD-nngorluni saqqummerpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat