Brexit pillugu taasinissaq piffissaligaanngitsumik kinguartinneqarpoq
Tamanna Theresa Mayip Underhuseimi ataasinngornermi oqalugiarnermini nalunaarutigaa.
Tuluit Nunaanni inatsisartuni ilaasortat marlunngornermi taasitinneqartussaagaluarput, Tuluit Nunaanni naalakkersuisut EU-illu isumaqatiginniartuinik isumaqatigiissut pillugu.
Nordirlandimut killeqarfimmut apeqqut suli isumakuluutigineqarpoq.
Theresa May Underhusemi ullumi oqalugiarami taama oqarpoq.
AAMMA ATUARUK Brexit juullertinnagu aalajangiiffigivinneqarumaarpoq
Tuluit Nunaata EU-mit ilaasortaajunnaarnissaanut pingaaruteqarerpaat pinerullugit, taasisitsinissaq Theresa Mayip kinguartippaa.
Tuluit Nunaata ilaata tassalu Nordirlandip aamma nunap EU-mut ilaasortap Irlandip killeqarfiata
sukannersumik nakkutigineqannginnissaa immikkoortumi pineqarpoq.
Isumaqatigiissut naapertorlugu EU-mi ilaasortaat akitsuusiiffeqatigiivini aammatinneqarpoq, niuernikkut isumaqatigiissuteqarnissap tungaanut.
AAMMA ATUARUK Brexit nunatsinnut akisusinnaasoq
Isumaqatigiissummik taama ittumik qagugu isumatigiissuteqartoqassanersoq ilisimaneqanngilaq, isornartorsiusiullu ernummatigaat, Storbritannien EU-p malittarisassaanik malinnittunngussasoq sunniuteqarsinnaananilu.
Theresa Mayip qulakkeerniarsaraa, piffissaligaanngitsumik tamatuma pinnginissaa.