Theresa May: Brexit juullertinnagu aalajangiiffigivinneqarumaarpoq
Tuluit Nunaata EU-mi ilaasortaajunnaarnissaa pillugu isumaqatiginninniarnerit naammassipput, isumaqatigiissutigineqartullu Tuluit inatsisartuini EU-milu inatsisartuni akuersissutigineqarnissaa tulliuppoq. Tuluillu EU-mi ilaasortaajunnaarnissaat ilaasortaaginnarnissaalluunniit pillugu innuttaasut Tuluit Nunaanni taasitinneqaqqinnavianngillat. Tuluit ministeriunerunerat Theresa May taama oqarpoq.
![](/sites/default/files/styles/image_934x467/public/article_images/theresa_may_number_10_flickr_.jpg?itok=3CAmI3hk)
Allattoq Ritzau
Nutserisoq Mads Lynge
Nunat EU-mi ilaasortat 27-t naalakkersuinikkut siuttuisa, Tuluit EU-mi ilaasortaajunnaarnissaannut isumaqatigiissut akuersaarpaat.
Tuluit Nunaannilu inatsisartuini Juullertinnagu akuersissutigineqarnissaata tungaanut oqallisigineqangaatsiassasoq, Mayip tusagassiortunik katersuutsisinermi oqaatigaa.
- Isumaqatigiissutip massuma akuersissutigineqarnissaanut tunngavilersuutit pigaakka aallutariniarlugillu. Inuit isumaqarpata siunissami suli isumaqatiginninniartoqassasoq oqaatigisinnaavara taamaattoqarnavianngitsoq. Isumaqatigiissut una pitsaanerpaaffimminiippoq, allatullu periarfissaqanngilaq, Theresa May oqarpoq.
/ritzau/