Politikki

Brexit nunatsinnut akisusinnaasoq

Tuluit EU-mi ilaasortaajunnaarnissaat Nunatsinnut aamma aningaasatigut sunniuteqarnerlussasoq, Danmarkip nunanut allanut tunngasunut ministeriata Anders Samuelsenip, Inuit Ataqatigiit sinnerlugit Folketingimut ilaasortamut Aaja Chemnitz Larsenimut akissuteqaataani taama allassimasoq, AG-mi allaaserineqarpoq.

Allattoq Mads Lynge

novembarip 21-at 2018 07:43

AG-p allaaserisaa naapertorlugu Kalaallit Nunaat Brexit sipaarniarnissamullu pilersaarutit pissutigalugit ukiut 2021-p 2027-llu akornanni 164 millionit koruuninik annaasaqaateqassaaq. Anders Samuelsen taama akissuteqarpoq.

Nunattali aningaasaliissutinik allanik nutaatut issarsisalernissaa eqqarsaatigalugu nunatsinnut aamma iluaqutissartaqassaaq. Aningaasammi 45 millionit Eurot, tassa 335 millionit koruunit missaat ikiuiniartarnermi suliniutinik nunallu immikkoortui akimorlugit suliniutit aallaavigalugit nunatta pissarsiarisinnaalissavai.

AAMMA ATUARUK Brexit Premier Leaguemut kinguneqarnerlussinnaasoq

- Kalaallit Nunaat aningaasaliissutit ataatsimoorussat ilaannik qanoq amerlatigisunik pissarsisinnaassanersoq maannamuugallartoq nalunarpoq, Anders Samuelsen, Aaja Chemnitz Larsenimut akissummi ilaatigut taama allappoq, 2021-mit 207-mut missingersuutissanut isumaqatiginninniarnissat ilungersunartuuniissaat tikkuarlugu.

Tuluit Nunaata EU-mi ilaasortaajunnaarnissaa aappaagu 2019-imi marsip ulluisa 29-anni isussatut pilersaarutigineqarpoq.

AAMMA ATUARUK Ingen Brexit-løfter til Vivian

Brexit nunatsinnut akisusinnaasoq

Aamma atuaruk