Vivian Brexitimut atatillugu neriorsuuteqarfigineqanngitsoq
- Tuluit Nunaat EU-mut ilaasortaajunnaarpat aammalu Tuluit Nunaata EU-p niuernikkut isumaqatigiissutaanit anissagaluarpat kalaallit aalisakkanik tunisassiaat siunissami Tuluit Nunaannut eqqunneqarnerminni eqqussinermi akitsuutinik aammalu inuussutissanik misissuinermi nalaanneqartalissapput, Vivian Motzfeldt EU-p Brexit pillugu isumaqatiginninniarnermi pisortaa, Michel Barnier ataatsimeeqatigigamiuk tikkuaavoq.
- Taama pisoqassagaluarpat, Kalaallit Nunaanni suliffeqarfiit pingaarnertut annertuumik eqqorneqarsinnaapput. Kalaallimmi kinguppaannik saarullinnillu tunisassiaat akileraaruserneqannginnerini akii apparneqartariaqartalissammata.
Naak Michel Barnierip nunatta soqutigisai isumaqatigiinniarnerup inerneqarnerani ersersinneqarnissaat qulakkeersinnaanngikkaluarlugit nunatsinnit oqariartuutit pissutsillu paasisinnaalluarpai, tamakkulu Tuluit Nunaata isumaqatiginiarnerani qaninniarlugit isumaqatigiinniarnermi pisortap neriorsuutigiaa.