Brexit Premier Leaguemut kinguneqarnerlussinnaasoq

Klubbimmi Premier Leaguemiittut nunanit allaneersunik 17-inik maanna arsaattartoqarsinnaapput, Tuluit Nunaatali EU-mi ilaasortaajunnaarnera ilutigalugu klubbit nunanit allaneersunik amerlanerpaamik aqqaneq-marlunnik arsaattartoqarsinnaanissaat, Tuluit Nunaanni Arsaattartut Kattuffiata FA-p sapaatip-akunnerata massuma ingerlanerani siunnersuutiginiarpaa.

AAMMA ATUARUK Tuluit avissaarnissaminnut pappiaqqat piareeraat

Tuluimmi EU-mi aappaagu 2019-imi marsimi ilaasortaajunnaarnissaat klubbit piareersimaffigisariaqaraat FA-p siunnersuusiornermigut anguniarpaa.

Nunassinniartut pillugit malittarisassat, sulisinnaanissamullu akuersissutit pillugit malittarisassat, Tuluit EU-mi ilaasortaajunnaarnerisigut allannguuteqassapput.

AAMMA ATUARUK Tuluit Brexit pillugu siunnersuutaat EU-p præsidentia itigartitsissutigigaa

Premier Leaguemi klubbit katillugit tallimat nunanit allaneersunik 17-inik arsaattartoqarput, klubbit soorlu Manchester City Tottenhamilu nunanit allaneersunik 17-inik arsaattartartoqarlutik.

Premier Leaguemi klubbit nunanit allaneersunik arsaattartoqarajupput. Sapaatip-akunneri marluk matuma siornatigut unammisoqarnerani arsaattartut katillugit 220-t akornanni 62-iinnaat Tuluit Nunaanneersuupput.