Tuluit avissaarnissaminnut pappiaqqat piareeraat

Taamaammat ministeriunerup, Theresa Mayip ministerit pingaarnerit Brexit pillugu pingasunngornermi ualikkut ataatsimiigiaqquai.

Ministerit ataatsimiinnerminni isumaqatigiissummut missingersuusiaq isumaqatigiissummut siunertaqartumik allannera akuerissanerlugu oqallisigissavaat.

AAMMA ATUARUK Tuluit Brexit pillugu siunnersuutaat EU-p præsidentia itigartitsissutigigaa

EU-mi nunat Bruxellesimi aallartitaat pingasunngornermi ualikkut aamma ataatsimiigiaqquneqarput.
Sapaatip akunnerani kingullerni isumaqatigiinniangaatsiartoqareerneratigut illuatungeriit missingersuut isumaqatigiissutigigaat, tuluit naalakkersuisuinut qanittup BBC-mut tusarliuutigaa.

Isumaqatigiinniarnerit naammassiartulernerisa nalaanni Irlandip Irlandillu avannarliup akornanni iserfigiuminaattumik killeqarfeqannginnissaata ataatsimut anguniagaanissaa ukkatarineqarpoq.

AAMMA ATUARUK Brexit pillugu isumaqatigiissusiornissaq Tuluit Nunaata iluatsinngitsooraa

Tuluit Nunaata EU-llu akornanni avissaarniarnermut isumaqatigiinniarnerni pingaartumik pisoqalernera ilimagineqartoq, EU-mi nunat arlaqartut ministerii sapaatip akunnerata naannginnerani oqaloqatigiissutigaat.