Tuluit Brexit pillugu siunnersuutaat EU-p præsidentia itigartitsissutigigaa
EU-p præsidentiata, Donald Tuskip suliap ingerlarnga EU-mi naalagaaffiit naalakkersuisullu pisortaasa Salzburgimi pingasunngornermi unnukkut ataatsimeersuarnissaanni neriulluartumik saqqummiussavaa.
Illuatungeriilli immikkoortumik avissaartuutigisaqattaakkaminnik suli isumaqatigiinngitsut erseqqissaatigaa. Matumani Irlandimiut killeqarfiat pillugu isumaqatigiissut pineqarpoq, taannalu ajornakusuuvippoq.
AAMMA ATUARUK Brexit pillugu isumaqatigiissusiornissaq Tuluit Nunaata iluatsinngitsooraa
AAMMA ATUARUK Ingen Brexit-løfter til Vivian
Tamanna Irlandimiut eqqissinermut suliaqarnerannut illuatungeriillu killeqarfimmi ”sakkortuumik killilersuinermik” tassa paarinninnermik nakkutiginninnermillu pilersitsisoqannginnissaannut isumaqatigiissutigisaannut minnerunngitsumik tunngavoq.
- Irlandimiunut aningaasaqarnikkullu suleqatigiinnissamut killiliussanut tunngatillugu tuluit siunnersuutiminnik eqqarsaatiginnilluartariaqarput, Donald Tusk oqarpoq.
Maanna siunnersuutigineqartoq EU-mit akuerineqanngikkaluartoq isumaqatigiissuteqarnissaq qallisimasoq EU-p præsidentia isumaqarpoq.
/ritzau/