Juullimut orpiit akitsoqqipput

Juullimut orpiit kingumut akitsoqqipput. Ukioq manna orpissiniaraanni siornamut naleqqiullugu kisianni tassa 10 - 15 procentimik akiliinerulluni, soorlu miiterimik portussusilimmik pisiniaraanni 120- 125 koruunimik akiliisariaqaassaagut. Taama ilisimatitsivoq Danmarkimi Orpinnik naatitsisarfiit Kattuffiat.

Kattuffimmi pisortaaneq, Kaj Østergaard, ilisimatitsivoq, orpiit ukiuni tulliuttuni akitsoriartuinnarnissaat ilimanartoq.

Orpiit akitsornerat siorna aamma malunnareerpoq, tassa 18 procentimik akitsorsimagamik, taamaammat orpiit tunisaanerat annikillerujussuarsimavoq. Tunisilluaraangamik 1 milliardi koruunit 1,3 milliardi koruunillu akornanni isertitsisarput. Tysklandimut tunisarpaanngooq tunisamik 90 procentii – maangali aamma tunisilluartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat