Justin Trudeau Canadami premierministerinngortoq
Tassami Liberalit qinersinermi ajugaapput, amerlanerussuteqarlutillu naalakkersuisuutitaqalissallutik.
Qinersinerit pillugit Canadami aaqqissuussat najoqqutaralugit partii qinerneqarnerpaajusup siulittaasua ministeriuninngortarpoq.
Taamaalillunilu Justin Trudeau Canadami ministeriunerulertussanngorluni.
Taanna Canadami ministeriunerusimasup Pierre Eliot Trudeaup erneraa, politikkinilu akuersaartuusoq oqarpoq, pissutsinillu allannguissasoq aamma oqarluni.
AAMMA ATUARUK Canadami qineqqusaarnermi naggueqativut avaqqutaarneqartut
Atuarfinnik nutaanik, napparsimmavinnillu sanatitsiniarami Canadami missingersuutit amigartooruteqarumaassasut aamma nalunaarpoq.
Tamassuma saniatigut Canadami nunap inooqqaavisa naligiimmik suleqatiginiarlugit Justin Trudeaup neriorsuutigaa.
Canadallu inooqqaavi qinersinermi aatsaat taama peqataatigupput.
Danmarkip Canadamut aallartitaa, Niels Boel Abrahamsenip qinersinerup inernera ima nassuiarpaa.
- Stephen Harper ukiuni qulingajanni ministeriuneruvoq, Canadamilu qinersisartorpassuit politikkikkut allanngortoqarnissaa ujartunngikkaluarlugu, allanngortoqarnissaa nutarterisoqarnissaalu kissaatigaat. Tamanna Justin Trudeaup atorluarpaa, Niels Boel Abrahamsen DR-imut oqarpoq.
AAMMA ATUARUK Canadami qinersisoqartussanngorpoq
AAMMA ATUARUK Canadami ministeriunerup qinersineq suaarutigaa pissaanerlu nammineq tiguniarlugu