Julian Assange tuluit politiivinit tigusarineqarpoq
Assangep qimaasutut akuerisaanera atorunnaarsereerlugu Ecuadorip tuluit politiivi aallartitaqarfimmut aggersarai oqaatigineqarpoq.
2012-imili Sverigemut tunniunneqarnissani piumasarineqarmat Julian Assange Londonimi Ecuadorip aallartitaqarfianiilerpoq, tassami Sverigep USAmut imminik tunniussinissaa aarleqqutigigamiuk, USAllu kilitsissiatut unnerluutigissagaani isumaqarami.
AAMMA ATUARUK Assangep Londonimi aallartitaqarfik qimassanngikkaa
Assange Sverigemi arnanut marlunnut kinguaassiuutitigut nakuusersimasutut 2010-mi unnerluutigineqarluni tigusarineqarpoq. Suliat aappaat nutaanngilereerpoq. Unnerluussutini taakkunani marlunni Assange pisuunnginnerarpoq.
WikiLeaks tassaavoq suliaqarfik aningaasanik sinneqartooruteqarnissamik tunngaveqanngitsoq, naalagaaffinni oqartussat allallu allagaataannik isertuussanik internettikkut saqqummiisartoq, ilutigalugulu paasissutissiisut (whistleblower-it) kinaassutsimi isertuunnissaannik neqeroorfigineqartarput. Siusinnerusukkut isertuussanik saqqummiisarfimmik suliaqarfik taanna isummanik akerleriiffiusartoq ilaatigut allagaaterpassuarnik Irakimi Afghanistanimilu sorsunnernut tunngasunik saqqummiivoq.
AAMMA ATUARUK Assange unioqqutitsinikkut nammineersinnaajunnaarsinneqartoq
