Ursula von der Leyen EU-Kommissionimi siulittaasuinnassasoq
![](/sites/default/files/styles/image_934x467/public/2024-07/20240718-143527-L-1920x1229we.jpg?itok=KG6ekBov)
Ursula von der Leyen, EU-Kommissionimi ukiuni tulliuttuni tallimani siulittaasooqqissaaq.
EU-Parlamentimi ilaasortat amerlanerussuteqartut tamanna aalajangeqqammerpaat.
Taasinermi inernerit EU-Parlamentimi ilaasortat Strasbourgimi ataatsimiittarfianni saqqummiunneqareersullu, politikeri Tysklandimeersoq nuimasoq 65-inik ukiulik nuannaarpoq.
Ursula von der Leyenip EU-Kommissioni aqutsisussat nutaat taamaasilluni aqutsisuuffigilersinnaanngorpai.
EU-mi aningaasarsiornerup pitsanngorsarneqarnissaa isumannaallisaaniarnerullu nukittorsarneqarnissaa pingaarnertut suliassaanerarpaa.
Ursula von der Leyen taasisoqannginnerani oqalugiarami taama erseqqissaassuteqarpoq.
Taanna maanna taasinermi 2019-imi taasinermut naleqqiullugu angusarissaarneruvoq. Taamanikkummi amerlanerussusiinissamut qulingiluaannarnik amerlanerusunik taamanikkut taaguunneqarpoq.