Ritzau Nunanit allanit

Assangep Londonimi aallartitaqarfik qimassanngikkaa

Paasissutissanik ilaatigut isertukkanik siammarterisartup Julian Assangep tigusarineqarnissaanut peqqussutip attatiinnarneqarnissaa, tuluit eqqartuussiviisa ilaata aalajangerpaa. Assange taamaasilluni Ecuadorip Londonimi aallartitaqarfianniiginnarallartariaqassaaq.

Allattoq Ritzau

februaarip 14-at 2018 16:59

Nutserisoq Mads Lynge

46-nik ukiulik Julian Assange, paasissutissanik USA-p illersornissaqarfianeersunik siammarterisimasutut 2012-imili pasineqarpoq, tamannalu pissutigalugu Ecuadorip Londonimi aallartitaqarfianut qimaalluni, taamanikkulli aamma tassaniilluni.

Aallartitaqarfik qimakkaluaruniuk politiinit tigusarineqarsinnaavoq.

Assange, paasissutissanik siammaterivimmik WikiLeaksimik pilersitsisoq, eqqartuussivimmit sapaatip-akunneri marluk ingerlaneranni aalajangiivigineqarpoq.

Australimiup taassuma, Tuluit Nunaannit Sverigemut tunniunneqarnissani ernummatigaa, tassanngaanniillu USA-mut aamma tunniunneqarsinnaanissani aamma ernummatigalugu.

Assange, Sverigemiitilluni pinngitsaaliilluni arnerisimasutut pasineqarpoq, Sverigemullu tunniunneqarnissaa Sverigep piumasaralugu.

/ritzau/Reuters

Assangep Londonimi aallartitaqarfik qimassanngikkaa

Aamma atuaruk