Josef Motzfeldt: Imminut piumaffigineq anginerusariaqarpoq

Ilinniartitaanermut aningaasat ukiumut 400 mio. koruunit atorneqartariaqartut aningaasaqarnikkut ingerlatsineq pillugu nalunaarummi naalakkersuisut siunniuppaat. 2005-miit 2020-mut siuariartornermut aningaasaliinermi ilinniartitaaneq pingaartinneqarnerpaasariaqartoq aningaasaqarnermut naalakkersuisoq Josef Motzfeldt isumaqarpoq.

Naalakkersuisup assersuutigaa inuusuttut 21-t ataallugit ukiullit siunissami pingitsaalineqartariaqassasut allanik isertitaqartinnagit ilinniaqarnersiutit kisiisa sakkugalugit, ilinniarsimasunik amerliliiniarnissaq.

Nunatsinni inuit inersimasut 26000-t ilinniarsimanngillat, innuttaasullu pingajorarterutaannaat meeqqat atuarfiani naammassisimapput.

Ilinniarsimasut ikippallaarput, nunarpullu namminiileriartussappat, ilinniartitaaneq kikkut tamarmik peqataaffigisaanik siuarsarneqartariaqartoq, josef Motzfeldt oqarpoq.

Aningaasaqarnermut naalakkersuisup oqaatigaattaaq maassakkumut aningaasaliissutigineqartartut ineriartorfiunngitsut, taamaammat anigaasaliisoqartariaqarpoq ineriartorfiusumik.

Siuariartortoqassappallu ukiunut aalajangersimasunut tapiisoqartariaqassasoq, aningaasaqanermut naalakkersuisoq oqapoq. Tapiinerlu iluaqutaanngippat inuiaqatigiit periaasissamik allamik nassaarniartariaqarsorai.

Inuiaqatigiinni eqqornerlugaasartut tassaanerarpai ilinniarsimanngitsut, suliffissaaleqisoqalertillugu ilinniarsimanngitsut eqqorneqarnerpaasarput, ilinniarsimasut suliffissarsioqqissinnaasarmata.

Josef Motzfeldt isumaqarpoq namminneq pisuussutiginagu katataasimasut naalakkersuinikkut suliaqarnermi qaangerniarneqartariaqartoq. Ilinniartut taamaatiinnartartut aamma amerlavallaarnerarpai, taamaammallu immitsinnut piumaffiginninnerput annertunerulertariaqarsoraa.

Aningaasalersuinermi nunatta imminut pilersornissaa siunissami pisariaqarsoraa, ilinniartitaanikkullu tamanna anguneqarsinnaasoraa, akitigut unammillersinnaaneq, ilaatigut akissarsiaqartitsinikkut pikkorissutsikkullu nunanut allanut unammillersinnaasariaqarnerput takutissinnaasariaqaripput aamma oqaatigaa.

Josef Motzfeldt aamma oqarpoq avataaninngaanniit suliartortartut nunatsinni aningaasartuutaavallaartut qaangerniartariaqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat