Johnsonip partiia amerlanerussuteqarluni taaguunnerpaasoq

Tuluit Nunanni inatsisartunut ippassaq qinersinermi ilimagisaasup, konservaatiivineersup, Boris Johnsonip partiia taaguunneqanerpaalluni Underhusemi inissat 361-it pissarsiarai.
Assi © : Ritzau Scanpix
Allattoq Ritzau
decembarip 13-at 2019 06:17
Nutserisoq Bikki P. Kleist

Londonimi Inatsisartoqarfik 650-inik inissaqarpoq.

inersinermit inernerit uagut nalunaaqutarput malillugu unnuaq marluk missaani saqqummiunneqarmata Boris Johnsonip partiia amerlanerussuteqarluni taaguunneqanerpaasoq suaarutigineqarpoq.

BBC-imit exit pollip inerneri naapertorlugit konservativit qinersinermi amerlanerussuteqarlutik ajugaanissaat sisamanngornermi saqqummiunneqarpoq.

Taamaalilluni tuluit EU-mit aninissaat pillugu Johnson Underhusetimi partiinimit tapersersorneqarluni suliaqarsinnaanngorpoq.

- Isumaqarpunga oqaluttuarisaannermi qinersinerusoq, Tuluit Nunaannimi innuttaasut tamat oqartussaaqataaneranni kissaataat naapertorlugit qinersisartut ataqqineqarnissaat naalakkersuisunngortussat periarfissinneqarput, Johnson oqalugiarluni taama oqarpoq.

Politikikkut illuatungiliuttut partiiata Labourip, inatsisartuni inissat 203-t pissarsiarai, qinersinermilu inernerit 1935-imit aatsaat taama angusarissaanngitsigipput.

Partiip siulittaasuata, Jeremy Corbyn, siulittaasutut tunuarniarluni unnuaq nalunaarueqarpoq.

Assi © : Ritzau Scanpix