Allaatigisaq: Issittup eqqisseqatigiiffiunissaa pillugu nutaamiik isumaqatigiissusiortoqarli
Danmarkimi Illersornissaq pillugu ilisimatusarfimmi lektori Peter Viggo Jakobsen Jyllands-Postenimi allaatigisamini taama siunnersuuteqarpoq.
Kinap Issittumut soqutiginninnera ukiuni kingullerni annertusiartuinnarpoq, ilaatigut imaatigut aqqutissanik atorluaanissamut aatsitassarsiornissamullu periarfissat eqqarsaatigalugit.
Tamatumunngalu peqatigitillugu Ruslandip Issittumi inissisimani aamma annertusarpaa. Tamakkulu pissutigalugit USA-p Issittup nillertumik sorsuffiulernissaa mianersoqqussutigaa.
AAMMA ATUARUK Ruslandip Kinallu Issittumi inissisimanerat Pompeop isornartorsioraa
Issittumilu nunat tallimaasut Issittumi isumannaallisaanikkut politikkip qulakkeernissaanut nutaamik isumaqatigiissuteqarnissaat Kunngeqarfiup Danmarkip isumagisinnaappagu tamanna pinngitsoortinneqarsinnaavoq, Peter Viggo Jakobsen taama siunnersuuteqarpoq .
NATO-mmi EU-llu kisimiillutik isumagisinnaanngilaat, lektori isumaqarpoq.
- Nunat issittumut sineriallit tallimaasut Issittumi soqutigisaat ima annertutigipput, taama iliornertik iluaqutigisinnaallugu. Issittumimi pisuussutinik atuisinnaanermik pigiinnarnissaa Kinallu naalagaaffiillu allat Isittumi najuunnerisa annertusiartornera killilersorlugulu nakkutiginissaa tamarmik annertuumik soqutigisarivaat, lektori taama allappoq.
AAMMA ATUARUK USA nunatsinnut qaninnerusumik attaveqarusuppoq
Nunatta Danmarkillu suleqatigiillutik Ilulissani Isumaqatigiissummut 2008-mi aqqutissiuuppaat. Canadap, Norgep, USA-p Kunngeqarfiullu Danmarkip imminnut pisussaaffilerput Issittumi aaqqiagiinngissuteqarnerit eqqisseqatigiiffiusumik isumaqatigiinniarnikkut aaqqiissuteqarfigineqartassasut.
AAMMA ATUARUK Kinamiut ingerlatseqatigiiffissuat nunatsinni mittarfiliortiternissamit tunuarterpoq