- Assersuutigalugu ukiut kingulliit marluk ukiumut 100.000 koruuninik aningaasarsisimavutit, taava 50.000 koruunit sinnerlugit tassa affai sinnerlugit aalisarsimanermit isertitaasimasariaqarput. Tassa immaqa kutterimi inuttatut ilaalluni aningaasarsiaasimasariaqarlutik, KNAPK-mi pisortaq Tønnes Berthelsen oqarpoq.Assi: KNR

Inuusuttuulluni umiatsiaarsorluni aalisartunngorniaraanni ima akeqarpoq

Grønlandsbanki umiatsiaararsortunut aningaasaliisarunnaarluni nalunaarutigaa. Tassami aalisartut amerlavallaartut aalisagakippallaartorlu aningaaserivik isumaqarpoq. Umiatsiaarsorluni aalisartuuneq akisuujusoq bankilu atorfissaqartartoq, KNAPK-mi pisortap oqaatigaa.

Umiatsiaaraq. Aalisarnermut sillimaniarnermullu atortut. Sipaagaqarluarnissarlu.

Umiatsiaararsorluni aalisartunngussagaanni tamakkua pisariaqarsinnaasunut ilaapput.

AAMMA ATUARUK Grønlandsbanken umiatsiaraasortunut aningaasaliisarunnaartoq

- Assersuutigalugu ukiut kingulliit marluk ukiumut 100.000 koruuninik aningaasarsisimavutit, taava 50.000 koruunit sinnerlugit tassa affai sinnerlugit aalisarsimanermit isertitaasimasariaqarput. Tassa immaqa kutterimi inuttatut ilaalluni aningaasarsiaasimasariaqarlutik, KNAPK-mi pisortaq Tønnes Berthelsen oqarpoq.

Taamaattumik aningaasanik sipaagaqarnissaq pisariaqarpoq.

AAMMA ATUARUK Umiatsiaararsortoq: Bankip killiliinera siusinaarluni iliuuseqarneruvoq

- Akuersissummik piniaruma angallateqartariaqarpunga. Kisianni angallatisitinnanga ileqqaarisimasariaqarpunga katersisariaqarpunga aningaasanik. Aningaasanik atornissannut qinnuteqarfissama upperinerussammanga katersisimasariaqarama, taanna qulakkeerneqaqqaartariaqarpoq aamma.

Umitsiaaraq atortorissaartoq pisariaqarpoq

Kiisalu umiatsiaaraq atortorissaartuusariaqartoq, pisortap aamma oqaatigaa:

- Angallateqartariaqarputit taava aamma taanna motoreqartariaqarpoq. Taavalu aamma aalisarnermut atortut taavalu aamma sillimaniarnermut. VHF-radiot. Assersuutigalugu immaqa saarullinniarniaruit taava bundgarnimik pisariaqartitsivutit. Bundgarnit 7 favnimik itissusilik taanna 50 - 60.000 koruuninik missaannik akeqarpoq.

Umiatsiaaqqalliukua atortussallu qanorpiaq akeqartut?

KNR-ip Nuummi umiatsianik tuniniaavik Grønlands Bådcenter tamanna paasiniarlugu pulaarpaa.

Bådcenter motor

 

- Soorlu una angallat pocanut qooqanut ilaallu ilannngullugit 300 hk atorneqartarpoq. Taannalu 149.000 koruunit missaannik naleqarpoq, 300 kilo missaannik oqimaassusilik. Tassa apeqqutaalluni angallatip annertussusaanut akuerisaq apeqqutaalluni motorilersorneqartarput. Kisianni aalisartut usingaatsiartartut 300 hk atorluartartorujussuuaat, niuertitsisuusup Lars Poulsenip angallatip ingerlataa taama nassuiarpaa. Nangillunilu:

 

Bådcenter nødraketter

 

- Una annanniut faldskærmrakitsimik taaneqartartoq qummoortagaq. Taannalu qummooraanni aappalaartumik nakkariartortussamik kalerrisaarisarpoq. Taava una paariinnarlugu qummut sivisulaartumik aniassaaq aappalaartumik. Taamaalilluni kalerrisaarisarluni ajutuulernermi.

AAMMA ATUARUK Grønlandsbanken umiatsiaararsortunut taarsigassarsititsisarunnaartoq – Bank Nordik suli ammatitsivoq

Tassalu KNAPK-imi pisortaq naapertorlugu umiatsiaarsorluni aalisartuuniaraanni minnerpaamik 350.000 koruunit aningaasartuutigineqartariaqarput.

AAMMA ATUARUK Inuusuttoq umiatsiaararsortoq: Umiatsiaararsortunngortussat aamma eqqorneqarput

 

AAMMA ATUARUK Krusep Grønlandsbanken isornartorsioraa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat